داعش په‌لامارى گوندێكى خانه‌قینیدا و شه‌ش كه‌سى شه‌هید كرد

0
417
دوو پێشمه‌رگه‌ له‌ به‌ره‌كانى پێشه‌وه‌ى شه‌ڕى داعش | فۆتۆ: Rebin Khurshid

SNN- سیروان حه‌سه‌ن
كه‌مێك له‌مه‌وبه‌ر ژماره‌یه‌ك چه‌كدارى داعش له‌ سنوورى خانه‌قین په‌لاماری گوندێكى كوردنشینیاندا و له‌ ئه‌نجامدا شه‌ش كه‌س شه‌هیدبوون كه‌ دووانیان پۆلیسن و چواریان ئه‌ندامى یه‌ك خێزانن.

به‌پێى زانیارییه‌كانى (SNN) كه‌ له‌ هێزه‌ ئه‌منییه‌كانى خانه‌قین ده‌ستى كه‌وتوون، “ئه‌مڕۆ یه‌كشه‌ممه‌ له‌ سنوورى خانه‌قین ژماره‌یه‌ك چه‌كدارى داعش په‌لامارى گوندى (دارا)یانداوه‌ كه‌ دانیشتووانه‌كه‌ى كوردن”.

هه‌ر به‌پێى زانیارییه‌كان، “له‌ ئه‌نجامى په‌لاماره‌كه‌دا چوار ئه‌ندامى یه‌ك خێزان كه‌ باوك و دوو كوڕ و زاوایه‌كن‌ له‌ لایه‌ن چه‌كداره‌كانه‌وه‌ شه‌هید كراون، هه‌روه‌ها له‌ كاتێكدا هێزێكى پۆلیس به‌ره‌و گونده‌كه‌ رۆیشتووه‌ دوو پۆلیسيش شه‌هید بوون”.

له‌باره‌ى برینداره‌كانه‌وه‌ (SNN) ئه‌وه‌شى زانیووه‌، “هه‌ر له‌و په‌لاماره‌دا سێ كه‌سى دیكه‌ برینداربوون، دواتر چه‌كداره‌كان هه‌ڵاتوون”.

په‌لاماره‌كه‌ى داعش له‌كاتێكدایه‌ كه‌ ماوه‌ى چه‌ند مانگێكه‌ داعش له‌ عێراق چالاكبووه‌ته‌وه‌، ناوبه‌ناو هێرشده‌كه‌نه‌ سه‌ر هاووڵاتییان و هێزه‌ ئه‌منییه‌كان له‌ خانه‌قین، له ‌ماوه‌ى مانگى رابردووشدا هه‌ڵمه‌تى سووتاندنى گه‌نمى جوتیارانیان له‌و ناوچه‌یه‌ ده‌ستپێكرد تا ئێستا چه‌ندین دۆنم زه‌وى سووتێنراوه‌.

بەشی بکە لە
Previous Next
Close
Test Caption
Test Description goes like this