85 تووشبووی دیکەی کۆرۆنا لە سلێمانی تۆمارکران

0
663

SNN

وەزیری تەندروستی هەرێم رایگەیاند: لە شەوی رابردووەوە تا پێشنیوەڕۆی ئەمڕۆ 85 حاڵەتی تووشبووی دیکەی کۆرۆنا لە سنووری پارێزگای سلێمانی تۆمارکراون.

سامان بەرزنجی لە لێدوانێکیدا ئەوەشی راگەیاند: ژمارەکانی تووشبوون و گیانلەدەستدان لە هەرێمی کوردستان زۆرە، ژمارەی تووشبوونانیش بەراورد بە چاکبوونەوە زۆر زیاترە.

وتیشی: تووشبووەکان بەرکەوتنیان لەناو کۆمەڵگادا هەیە و ژمارەی گومانلێکراوان زیاترە لەو ئامارە فەرمییانەی کە بەردەستن، مەترسیەکەش ئەوەیە بەشێک لەو تووشبووانە هیچ نیشانەیەکی نەخۆشیەکەیان نیە و کەسانی دیکە تووشدەکەن.

هەروەها وتیشی: رۆژانە زیاتر لە دوو هەزار پشکنین دەکرێت و ئەگەر ژمارەی پشکنینەکانیش زیاتربن ئەوا ژمارەیەکی زیاتری تووشبووان دەدۆزرێنەوە.

ئەمە لەکاتێکدایە تا ئێستا زیاتر لە دوو هەزار و 182 تووشبووی کۆرۆنا لە هەرێمی کوردستان تۆمارکراوە 640 کەس چاکبوونەتەوە و 44 کەس بەو هۆیەوە گیانیان لەدەستداوە.

 

بەشی بکە لە
Previous Next
Close
Test Caption
Test Description goes like this