نهێنی تازە لەبارەی کوشتارگەی سپایکەرەوە ئاشکرا دەبێت

0
5780

SNN-

دوای شەش ساڵ لە روودانی کوشتارگەی سپایکەر لەسەر دەستی داعش، کە بەهۆیەوە 1700 سەرباز کوژران، پێناسەی ئەو کەسە ئاشکرا دەبێت کە فەرمانی دا بەکۆمەڵکوژکردنی ئەو سەربازانە.

بنکەی سپایکەر بارەگایەکی سەربازییە کە دەکەوێتە شاری تکریتەوە و 160 کیلۆمەتر لەباکووری بەغدای پایتەختەوە دوورە و مانگی حوزەیرانی ساڵی 2014 لەلایەن داعشەوە هەموو سەربازە تازە دامەزراوەکان کە لەوێ مەشقیان پێدەکرا، یان کوژران یان گولـلەباران کران یان خرانە ناو رووبارەوە و خنکێنران.

هیشام هاشمی شارەزای ئەمنی دەڵێت: “بەمداوییە چاوی بەسەرکردەیەکی دەستگیرکراوی داعش کەوتووە و بۆی باسکردووە کە ئەبو موسلم تورکمانی کە بە ئەبو موعتەز قوڕەشیش ناسراوە، کەسی دووەمی ناو داعش بووە، فەرمانی راستەوخۆی داوە بە کوشتنی ئەو خوێندکارانە کە بۆ ریزی سوپا ئامادە دەکران”.

دەشڵێت: “زیاتر لە 150 چەکداری داعش فەرمانەکەیان جێبەجێکردووە کە زۆربەیان ئەوانە بوون لەدوای ساڵی 2006ەوە بێکار و بێ ماڵ مابوونەوە و بەدوای کاری دزێوەوە بوون”.

هاشمی لەزاری ئەو سەرکردە دەستگیرکراوەی داعشەوە ئەوەشی گێڕاوەتەوە کە ئەبوبەکر بەغدادی خەلیفەی پێشووی داعش-یش ئارەزووی لەو جۆرە کوشتنانە هەبووە بە سووتاندن و خنکاندن و ئەشکەنجەی زۆر ئازاربەخش.

بەشی بکە لە
Previous Next
Close
Test Caption
Test Description goes like this