دابەشکردنی مووچەی مانگی دوو زیاتر دوا دەکەوێت

0
2841

SNN-هەولێر

تاوەکو ئێستا وەزارەتی دارایی هەرێم هیچ رۆژێکی دیارینەکردووە بۆ دابەشکردنی مووچەی مانگی دوو، بەرپرسێکیش دەڵێت: گەر بەغدا بەڵێن نەدات پارە بنێرێت ناتوانن مووچە دابەش بکەن.

ماوەی چەند رۆژێکە لە ژمارەیەک پەیج و دەزگای راگەیاندن وا بڵاودەکرێتەوە کە لەم هەفتەیە دەست دەکرێت بە دابەشکردنی مووچەی مانگی دووی 2020، بەڵام تاوەکو ئێستا لیستی دابەشکردنی مووچە رانەگەیندراوە.

بەرپرسێکی وەزارەتی دارایی و ئابووری هەرێم بە SNNی راگەیاند: “هەموو ئەو هەواڵانەی لە بارەی دابەشکردنی مووچەی وەزارەتی تەندروستی بڵاو دەکرێنەوە، دوورن لە راستییەوەو تاوەکو ئێستاش بڕی پارەی پێویست لەبەر دەستدانییە بۆ ئەوەی مووچەی پێدابەشبکرێت”.

وتیشی: “هەرێم چاوەڕێی رەزامەندی بەغدا دەکات بۆ ئەوەی بڕێک پارە بنێرێت و لەگەڵ داهاتی ناوخۆ و سامانە سروشتییەکان ئینجا مووچەی مانگی دووی پێدابەش بکەین، بەڵام تاوەکو ئێستا حکومەتی عێراق هیچ بەڵێنێکی بە هەرێم نەداوە بۆ ناردنی پارەکە”.

ئاماژەی بەوەشکرد: “لەو چوار سەد ملیارەی بەغدا چەند رۆژێک پێش ئێستا ناردوویەتی بەشێکی لێدراوەتەوە قەرزو بڕەکەی تریشی کە زیاتر لە دوو سەد ملیار دینارە و لەگەڵ بڕێکی تری پارەی داهاتی ناوخۆ و سامانە سروشتییەکان لەبەر دەستە بۆ ئەوەی هەر کاتێک بەغدا رەزامەندیدا پارەکە دەنێرێت ئینجا دەستدەکرێت بە دابەشکردنی مووچەی مانگی دووی 2020.

بەشی بکە لە
تاگەکانمووچە
Previous Next
Close
Test Caption
Test Description goes like this