پاڵه‌وانێكی له‌شجوانی به گولـلەی نادیار گیانی له ده‌ستدا
كازم خه‌یون
SNN Sport
كازم خه‌یون پاڵه‌وانی پێشووی له‌شجوانی عێراق پاش به‌ركه‌وتنی به گولـلەی نادیار گیانی له ده‌ستدا .
فائیز عه‌بدولحه‌سه‌ن سه‌رۆكی یه‌كێتی له‌شجوانی عێراق له لێدوانێكیدا بە میدیا عێراقییەکانی راگەیاندووە ” یه‌كێتی لەشجوانی عێراق هه‌واڵێكی جه‌رگبڕی پێگه‌یشت به گیان له ده‌ستدانی كازم خه‌یون پاڵه‌وانی پێشووی عێراق “.
عه‌بدولحه‌سه‌ن روونیكرده‌وه کە ” خه‌یون ئێواره‌ی رۆژی 14/6 پاش به‌ركه‌وتنی به گولـلەی نادیار گیانی له ده‌ستدا و دووپاتی كرده‌وه كه یه‌كێتی له‌شجوانی و لێهاتووی جه‌سته‌یی عێراق پرسه وسه‌ره‌خۆشی پێشكه‌ش به وه‌رزشكاران ده‌كات به بۆنه‌ی ئه‌م كاره‌ساته‌وه “.
جێی باسه كه خه‌یون نوێنه‌رایه‌تی عێراقی كردووه له پاڵه‌وانێتییه نێودە‌وڵه‌تییه‌كان وچه‌ندین نازناوی له سه‌ر ئاستی ناوخۆ به‌ده‌ستهێناوه .
