بۆردومانی ئەمڕۆی تورکیا زیانی بە گوندەکانی قەندیل گەیاندووە

0
596
بۆردومانكردنى سنوورى قه‌ندیل له‌لایه‌ن فڕۆكه‌ جه‌نگییه‌كانى توركیاوه‌ | فۆتۆ: ماڵپه‌ڕه‌كان

SNN-محەمەد مستەفا

بەرەبەیانی ئەمڕۆ دووشەممە فڕۆکە جەنگیەکانی سوپای تورکیا چوار جار بۆردومانی بناری قەندیلیان کرد و زیانی ماددیان بە گوندەکانی ئەو سنوورە گەیاندووە.

محەمەد حەسەن هاوسەرۆکی شارەوانی بناری قەندیل بە SNN ی راگەیاند: بۆردوومانەکەی بەرەبەیانی ئەمڕۆ دوو شەممە چوار شاخی لە زنجیرە چیای قەندیل کردووەتە ئامانج کە سەرجەم ئامانجەکانیش نزیک بوون لە گوندەکانی بناری قەندیل.

وتیشی “بۆردوومانەکە زیانی گیانی لێ نەکەوتووەتەوە بەڵام زیانی مادی بە گوندەکانی بناری قەندیل گەیاندووە، لەگەڵ ئەوەشدا ترس و دڵەڕاوکێی زۆری لەناو گوندنشیناندا دروست کردووە”.

ئاماژەی بەوەشکرد: “بۆردومانەکانی تورکیا زیانی بە دار و درەخت و ژینگەی ناوچەکە گەیاندووە”.

باسی لەوەشکرد: جگە لە فڕۆکە جەنگیەکان، فڕۆکە چاودێریە بێ فڕۆکەوانەکانیش بە بەردەوامی چاودێری ئاسمانی بناری قەندیل دەکەن .

لە شەوی رابردووەوە تا بەرەبەیانی ئەمڕۆ 26 فڕۆکەی F16ی تورکیا بۆردوومانی قەندیل، شنگال، مەخموور، ئامێدی و دێرەلووکیان کرد، سوپای تورکیا رایگەیاندووە: لە ئۆپراسیۆنەکەیاندا کە ناویان ناوە (چنگی هەڵۆ) 81 شوێن کراونەتە ئامانج.

بەشی بکە لە
Previous Next
Close
Test Caption
Test Description goes like this