پزیشکانی نەخۆشخانەیەکی کۆرۆنا مانگرتنیان راگەیاند

0
850

 SNN-هەوراز ئەحمەد

دوانیوەڕۆی ئەمڕۆ پزیشکان و کارمەندانی تەندروستی لە نەخۆشخانەی شەهید ئاسۆی تایبەت بە کۆرۆنا لە سلێمانی، مانگرتنیان لە کارەکانیان راگەیاند.

د.یاد نەقشبەندی وتەبێژی بەڕێوەبەرایەتی تەندروستی سلێمانی بۆ SNNی دووپاتکردەوە کە پزیشکان و کارمەندانی تەندروستی لە نەخۆشخانەی شەهید ئاسۆ مانگرتنیان راگەیاندووە، وتیشی: “نەخۆشانی کۆرۆنا لەو نەخۆشخانەیەدا ماونەتەوە”.

د.یاد نیگەرانی لەبارەی دواکەوتنی مووچەی پزیشکان و کارمەندانی تەندروستی دەربڕی و ئاماژەی بەوەکرد: “بەهۆی ناڕەزاییەکانەوە سیستەمی تەندروستی لە سلێمانی پەکدەخرێت”.

ئەمە لەکاتێکدایە هەر ئەمڕۆ نەخۆشخانەی شار لە شاری سلێمانی بە هەموو بەشەکانیەوە داخرا.

ئەمڕۆ ئەو 48 کاتژمێرە کۆتایی هات کە پێشتر لقی سلێمانی سەندیکای پزیشکانی کوردستان وەک مۆڵەت بۆ دابەشکردنی مووچە بۆ حکومەتی هەرێمیان دیاریکردبوو، لە کۆنفرانسێکی رۆژنامەنووسیدا سەرۆکی لقی سلێمانی سەندیکاکە مانگرتنی سەرتاسەری پزیشکان و کارمەندانی راگەیاند.

بەشی بکە لە
Previous Next
Close
Test Caption
Test Description goes like this