پیاوێكى ته‌مه‌ن 50 ساڵ له‌ سلێمانى به‌ كۆرۆنا گیانى له‌ده‌ستدا‌

0
936
نه‌خۆشخانه‌یه‌كى كۆرۆنا له‌ سلێمانى | فۆتۆ: هه‌وراز ئه‌حمه‌د \ SNN

SNN – هه‌وراز ئه‌حمه‌د

كه‌مێك له‌مه‌وبه‌ر تووشبوویه‌كى ڤایرۆسى كۆرۆنا له‌ سلێمانى گیانى له‌ده‌ستدا كه‌ پیاوێكى ته‌مه‌ن 50 ساڵه‌.

به‌پێى زانیارییه‌كانى (SNN) كه‌ له‌ ته‌ندروستيى سلێمانى وه‌ریگرتوون، “ئه‌مڕۆ دووشه‌ممه‌ تووشبوویه‌كى ترى ڤایرۆسى كۆرۆنا له‌ نه‌خۆشخانه‌ى شه‌هید ئاسۆ له‌ شارى سلێمانى گیانى له‌ده‌ستداوه‌ كه‌ پیاوێكى ته‌مه‌ن 50 ساڵه‌”.

له‌ ئێستادا پارێزگاى سلێمانى له‌ سه‌ر ئاستى هه‌رێمى كوردستان له‌ پله‌ى یه‌كه‌مدایه‌ له‌ڕووى تووشبوون به‌ ڤایرۆسى كۆرۆنا، به‌پێى زانیارییه‌كانى وه‌زاره‌تى ته‌ندروستیی هه‌رێم، “ته‌نیا له‌ماوه‌ى 24 كاتژمێرى رابردوودا شه‌ش كه‌س به‌ ڤایرۆسه‌كه‌ گیانیان له‌ده‌ستداوه‌ له‌و پارێزگایه‌ و 127 حاڵه‌تى نوێى تووشبوون به‌ ڤایرۆسه‌كه‌ش تۆماركراون به‌مشێوه‌یه‌: ناو شاری سلێمانی شه‌ش گیان لەدەستدان و 100 تووشبوو: دانیشتووی ناو شاری سلێمانی، قەزای پێنجوێن، قەزای دەربەندیخان، پیرەمەگرون.

له‌ سه‌ره‌تاى بڵاوبوونه‌وه‌ى ڤایرۆسى كۆرۆنا تا ئێستا هه‌زار و 475 كه‌س له‌ سلێمانى تووشى ڤایرۆسه‌كه‌ بوون، 41 كه‌سیش به‌ ڤایرۆسه‌كه‌ گیانیان له‌ده‌ستداوه‌.

 

 

بەشی بکە لە
Previous Next
Close
Test Caption
Test Description goes like this