باڵیۆزی تورکیا بانگهێشتی وەزارەتی دەرەوەی عێراق کرا

0
347

SNN

وه‌زاره‌تی ده‌ره‌وه‌ی عێراق بانگهێشتی فاتح یه‌ڵدز باڵیۆزی توركیای له‌ به‌غدا كرد و لەو رێگەیەوە پێشێلی سه‌روه‌ری خاك و ئاسمانی عێراقی لەلایەن تورکیاوە، ئیدانە كرد.

وه‌زاره‌تی ده‌ره‌وه‌ی عێراق ئەمڕۆ لە راگەیەندراوێکیدا بڵاویکردەوە، “بەهۆی بۆردومانکردنی هەرێمی کوردستان و دروستكردنی مه‌ترسی له‌سه‌ر هاووڵاتیانی ناوچه‌ سنوریه‌كان، فاتح یه‌ڵدز بانگهێشتكراوه‌ و له‌لایه‌ن عه‌بدولكه‌ریم هاشم، بریكاری پێشكه‌وتووی وه‌زاره‌تی دەرە‌وه‌ پێشوازی لێكراوه‌ و ئیدانه‌ی پێشێلكاریه‌كانی ئه‌و وڵاته‌ی كردوه‌ كه‌ به‌رامبه‌ر به‌ سه‌روه‌ری و خاك و ئاسمانی عێراق ئه‌نجامیداوه‌”.

عه‌بدولكه‌ریم بە باڵیۆزەکەی تورکیای وتووە: “توركیا سه‌رپێچی له ‌رێکكه‌وتننامه‌ و بنه‌مای یاساكانی نێوده‌وڵه‌تی کردووە و کردەکانی دژی پەیوەندی و رێزی هاوبەشی نێوانیانە”.

بریکارەکەی وەزارەتی دەرەوە داواشیكردوه‌: تورکیا کردەوە سه‌ربازیه‌كانی له ‌خاكی عێراق رابگرێت و ئاماده‌یی بەغداشی نیشانداوه‌ بۆ هاوكاری و هه‌ماهه‌نگی له‌گه‌ڵ توركیا بۆ ئه‌وه‌ی ده‌روازه‌ سنوریه‌كان بپارێزن به‌ جۆرێك به‌رژه‌وه‌ندی هه‌ردوو وڵات له‌به‌رچاو بگرن.

کاتژمێر 12:00ی شەوی 14ی ئەم مانگە، فڕۆکە جەنگییەکانی تورکیا ئۆپەراسیۆنێكی بەرفراوانی ئاسمانیی دژ بە پەکەکە ئەنجامدا و چەندین شوێنی لە مەخمور، شەنگال، قەندیل، زاپ، خواكوڕك و دیانا بۆردومان كرد.

بەشی بکە لە
Previous Next
Close
Test Caption
Test Description goes like this