دادگای عێراق وەزیری پێشووتری دارایی بەند دەکات

0
701
دادگای بەغدا

SNN-

ئەنجومەنی دادوەریی عێراق رافع عیساوی وەزیری پێشووتری دارایی عێراقی راگرت بەمەبەستی لێکۆڵینەوە لەگەڵیدا لەسەر ئەو تۆمەتانەی ئاڕاستەی کراون.

رافع عیساوی کە لەئیئتیلافی سوننەکانە، پێشتر وەزیری دارایی عێراق بوو لەنێوان ساڵانی 2008 – 2014 کاتێک نوری مالیکی سەرۆکوەزران بوو پاشئەوەی تۆمەتبار کرا بەپاڵپشتیکردنی تیرۆر، دەستلەکارکێشانەوەی خۆی لەپۆستەکەی راگەیاند پێش تەواوبوونی ئەرکەکەی.

ئەنجومەنی دادوەریی لەبەیاننامەیەکدا دەڵێت: “ئەمڕۆ سێشەممە رافع عیساوی بانگهێشتی دادگا کراوەتەوە و بەند کراوە بەتۆمەتی تیرۆر و پاڵپشتیکردنی گروپە تیرۆریستییەکان، پێشتریش خۆی رادەستی قەزا کردبوو بۆ لێکۆڵینەوە”.

هاوکات تۆمەتەکانی کە خراوەتە پاڵی، کاتێک وەزیری دارایی بووە، تۆمەتی گەندەڵیی ئیداری و داراییش خراوەتە پاڵی و پێشتر سزای زیندانی بۆ دەرچووە بەشێوەیەکی غیابیی.

رافع عیساوی وەزیری پێشووتری دارایی عێراق

بەشی بکە لە
Previous Next
Close
Test Caption
Test Description goes like this