ئێران باڵه‌كایه‌تى تۆپباران ده‌كات و فڕۆكه‌ى توركیاش به ئاسمانى‌ ناوچه‌كه‌دا ده‌سوڕێنه‌وه‌

0
408
تۆپبارانكردنى یه‌كێك له‌ ناوچه‌كانى هه‌رێم

له‌ به‌یانى ئه‌مڕۆوه‌ تۆپخانه‌كانى وڵاتى ئێران ده‌ستیانكردووه‌ به‌ تۆپبارانكردنى به‌شێك له‌ شاخه‌كانى سنوورى حاجى ئۆمه‌ران و فڕۆكه‌ى جه‌نگى توركیاش به‌ ئاسمانى ناوچه‌كه‌دا ده‌سوڕێنه‌وه‌.

به‌پێى زانیارییه‌كانى (SNN) كه‌ له‌ دانیشتووانى ناوچه‌كه‌وه‌ وه‌ریگرتوون، “له‌ به‌یانى ئه‌مڕۆوه‌ تۆپخانه‌كانى وڵاتى ئێران ده‌ستیانكردووه‌ به‌ تۆپبارانكردنى به‌رزاییه‌كانى گوندى ئاڵانه‌ له‌ حاجى ئۆمه‌ران، هاوكات فڕۆكه‌كانى توركیاش به‌ ئاسمانى ناوچه‌كه‌دا ده‌سوڕێنه‌وه‌”.

هه‌ر ‌به‌پێى زانیارییه‌كان، “به‌هۆى تۆپبارانه‌كه‌وه‌ ترس و دڵه‌ڕاوكێیه‌كى زۆر له‌لاى هاووڵاتییانى ناوچه‌كه‌ به‌تایبه‌تى ره‌وه‌نده‌كان دروستبووه‌، كه‌ به‌شێكى زۆریان له‌ ئێستادا روویان له‌ كوێستانه‌كان كردووه‌، له‌ ئێستاشدا ناچاربوون ئه‌و ناوچه‌یه‌ به‌جێبهێڵن”.

تۆپبارانكردنى ناوچه‌ سنوورییه‌كانى هه‌رێم هاوكاته‌ له‌گه‌ڵ ده‌ستپێكردنى ئۆپراسیۆنى (چنگى هه‌ڵۆ) له‌لایه‌ن وڵاتى توركیاوه‌ كه‌ به‌ره‌به‌یانى رۆژى دووشه‌ممه‌ فڕۆكه‌ جه‌نگییه‌كانى توركیا ده‌ستیانكرد به‌ بۆردومانكردنى چیاى قه‌ندیل، ده‌وروبه‌رى كه‌مپى مه‌خمور و شنگال له‌ هه‌رێمى كوردستان، دواى كه‌متر له‌ 30 خوله‌ك له‌ ده‌ستپێكردن به‌ بۆردومانه‌كه‌ وه‌زاره‌تى به‌رگریى توركیا له‌ به‌یاننامه‌یه‌كدا رایگه‌یاند: “ده‌ستیانكردووه‌ به‌ ئۆپراسیۆنى (چنگى هه‌ڵۆ) له‌ باكوورى عێراق (هه‌رێمى كوردستان) له‌ دژى چه‌كدارانى پارتى كرێكارانى كوردستان”.

بەشی بکە لە
تاگەکانتۆپباران
Previous Next
Close
Test Caption
Test Description goes like this