پیاوێكى تووشبووى كۆرۆنا له‌ ڕاپه‌ڕین كۆچى دوایی كرد

0
1017
یه‌كێك له‌ نه‌خۆشخانه‌كانى تایبه‌ت به‌ كۆرۆنا له‌ سلێمانى | فۆتۆ: هه‌وراز ئه‌حمه‌د \ SNN

SNN – محه‌مه‌د مسته‌فا

كه‌مێك له‌مه‌وبه‌ر تووشبوویه‌كى ڤایرۆسى كۆرۆنا له‌ ڕاپه‌ڕین كۆچى دوایی كرد كه‌ پیاوه‌ و ماوه‌ى پێنج رۆژه‌ تووشى ڤایرۆسه‌كه‌ بووه‌.

په‌یامنێرى (SNN) له‌ ڕاپه‌ڕین رایگه‌یاند: “كه‌مێك له‌مه‌وبه‌ر تووشبوویه‌كى ڤایرۆسى كۆرۆنا كه‌ پیاوه‌ و دانیشتووى ناحیه‌ى حاجیاوه‌یه‌ و ماوه‌ى پێنج رۆژه‌ تووشى ڤایرۆسه‌كه‌ بووه‌ گیانى له‌ده‌ستدا”.

هاوكات تەها محەمەد، بەرپرسی راگەیاندنی تەندروستیی ڕاپەڕین بە (SNN)ی راگەیاند: “ئەمڕۆ چوارشەممە پیاوێکی تەمەن 66 ساڵی دانیشتوی ناحیەی حاجیاوه‌ی سەر بە قەزای ڕانیە بەهۆی ڤایرۆسی کۆرۆنا گیانی لە دەستدا، ئەمەش یەکەم حاڵەتی گیان لەدەستدانە کە بەهۆی ڤایرۆسەکە لە ڕاپەڕین تۆمار دەکرێت”.

وتیشی: “قوربانیيەکە هیچ نەخۆشیەکی تری نەبووە، بەهۆی ڤایرۆسەکەوە گیانی لە دەستداوە و ماوەی چەند رۆژێکبوو لە سەنتەری نەخۆشییە گوازراوەکانی ڕانیە لەژێر چاودێری و چارەسەرکردندا بوو”.

له‌باره‌ى دۆخى ته‌ندروستى تووشبووانى كۆرۆنا له‌ ڕاپه‌ڕین بەرپرسی راگەیاندنی تەندروستیی ڕاپەڕین ئه‌وه‌شى خسته‌ڕوو: “دۆخی تەندروستی تووشبووانی تر لە سنووری ئیدارەی ڕاپه‌ڕین تا ئێستا جێگیرە”.

بەشی بکە لە
Previous Next
Close
Test Caption
Test Description goes like this