لە سنووری پارێزگای سلێمانی 9 تووشبووی دیکەی کۆرۆنا گیانیان لەدەستدا

0
344

SNN-

سەرچاوەیەک لەبەڕێوەبەرایەتی تەندروستیی سلێمانی بە SNNی راگەیاند: “هەشت پیاو و یەک ژن لەسنووری پارێزگای سلێمانی کە تووشبووی کۆرۆنا بوون، ئەمڕۆ گیانیان لەدەستدا”.

دەشڵێت: “تەمەنی کۆچکردووەکان لە 40 ساڵییەوە دەستپێدەکات بۆ 70 ساڵ و هەر ئەمڕۆ لەشوێنی تایبەت بەناشتنی قوربانیانی کۆرۆنا نێژران”.لەسنووری پارێزگای سلێمانی تائێستا 61 کەس بەکۆرۆنا گیانیان لەدەستداوە و کۆی گشتی تووشبووان 1754 تووشبووە و لەو

ژمارەیە 640 کەس چاکبوونەتەوە و 1062 یان لەژێر چاودێردییدان کە بارودۆخی هەندێکیان مەترسیی لەسەرە.

لە هەرێمی کوردستان ژمارەی تووشبووانی کۆرۆنا گەیشتووەتە دوو هەزار و 655 کەس، هەزار و 104 کەسیان چاکبوونەتەوە، بەو نۆ تووشبووەی کۆرۆنا کە ئەمڕۆ لە سلێمانی گیانیان لەدەستداوە، تائێستا 68 کەس گیانیان لەدەستداوە.

 

بەشی بکە لە
Previous Next
Close
Test Caption
Test Description goes like this