“سێ ساڵی داهاتوو چارەنووسی 30 ساڵی جیهان دیاریدەکات”

0
315

SNN

بەڕێوەبەری ئاژانسی وزەی نێودەوڵەتی رایگەیاند: پێویستە لە دوای کۆتایی هاتنی قەدەغەی هاتووچۆ لە وڵاتاندا، جیهان مەترسییەکانی گەرمبوونی زەوی لەبەرچاوبگرێت، چونکە سێ ساڵی داهاتوو چارەنووسساز دەبێت.

فاتیح بیڕۆڵ بەڕێوەبەری جێبەجێکاری ئاژانسی وزەی نێودەوڵەتی رایگەیاند: “ئەگەر رێژەی کاربۆن لە هەوادا سنووردارنەکرێت، ئەمسال کۆتا ساڵمان دەبێت کە کەشوهەوا و پیسبوونی هەوا لەم ئاستەی ئێستادابێت و لە ساڵی داهاتووەوە کاریگەری مەترسیداری گەرمبوونی زەوی دەبینرێت”.

بیرۆڵ وتووشیەتی: “سێ ساڵی داهاتوو، چارەنووسی 30 ساڵی داهاتووی زەوی دیاریدەکەن و دەبێت جیهان هۆشیاربێت بەرامبەر گەرمبوونی زەوی و هەوڵەکانی بۆ رێگریکردن لێی بخاتەگەڕ”.

لەلایەکی دیکەوە ئاژانسی وزەی نێودەوڵەتی راپۆرتێکی لەبارەی دیاردەی گەرمبوونی زەوی بڵاوکردووەتەوە و دەڵێت: “لە مانگی نیسانی رابردوودا ئاستی کاربۆن دایۆکسین لە هەوادا بۆ 17% بەرزبووەتەوە، بەراورد بە ساڵی ڕابردوو ئەمە رێژەیەکی دیار و بەرزە”.

ئاژانسەکە داوا لە حکومەتی وڵاتان دەکات “چاکسازی لە پیشەسازییاندا بکەن” بە جۆرێک لە بەدەستهێنانی وزەی کارەبادا زیاتر پشت بە (با) و سیستەمی (سۆلار) ببەستن و لەو سەرچاوانەی وزە دووربکەونەوە کە زیانیان بۆ ژینگە هەیە”

بەشی بکە لە
Previous Next
Close
Test Caption
Test Description goes like this