لەنەخۆشخانەی هیوا 3 پزیشک و 9 کارمەندی تەندروستیی تووشی کۆرۆنا بوون

0
514

SNN- هەوراز ئەحمەد

لەنەخۆشخانەی هیوا تایبەت بەشێرپەنجە 9 کارمەند و 3 پزیشک تووشی کۆرۆنا بوون و ڤایرۆسەکەیان لەنەخۆشانی شێرپەنجەوە بۆ گواستراوەتەوە.

د. دۆستی نەجات بەڕێوەبەری نەخۆشخانەی هیوا بە SNNی وت: “سەرجەمی ئەو تووشبووانە لەئێستادا کەرەنتەنەن و نەخۆشخانەکەش کەرەنتین ناکرێت ئاماژە بەوەشدەکات کە تووشبووەکان لەنەخۆشانی شێرپەنجەوە ڤایرۆسەکەیان بۆ گواستراوەتەوە و زۆربەیان ئافرەتن”.

بەوتەی بەڕێوەبەری نەخۆشخانەی هیوا، ئەوان پلانیان هەیە چەند تیم و چەند بەشێکی جیا دروستبکەن کەببنە جێگرەوەی ئەو پزیشک و کارمەندانەی تووشی کۆرۆنا دەبن.

دەشڵێت: “بۆ ئەوەی کارەکان نەوەستن، تیم و بەشی جێگرەوە هەن شوێنی ئەو تووشبووانەی کۆرۆنا دەگرنەوە، چونکە وەک خۆی دەڵێت: “ناکرێت نەخۆشخانەیەکی لەم شێوەیە بەهۆی کۆرۆناوە دابخرێت”.

لەسنووری پارێزگای سلێمانی تائێستا 61 کەس بەکۆرۆنا گیانیان لەدەستداوە و کۆی گشتی تووشبووان 1754 تووشبووە و لەو

ژمارەیە 640 کەس چاکبوونەتەوە و 1062 یان لەژێر چاودێردییدان کە بارودۆخی هەندێکیان مەترسیی لەسەرە.

لە هەرێمی کوردستان ژمارەی تووشبووانی کۆرۆنا گەیشتووەتە دوو هەزار و 655 کەس، هەزار و 104 کەسیان چاکبوونەتەوە، بەو نۆ تووشبووەی کۆرۆنا کە ئەمڕۆ لە سلێمانی گیانیان لەدەستداوە، تائێستا 68 کەس گیانیان لەدەستداوە.

بەشی بکە لە
Previous Next
Close
Test Caption
Test Description goes like this