پارێزگارى سلێمانى له‌باره‌ى دۆخى دارایی و مووچه‌وه‌ په‌یوه‌ندى به‌ قوباد تاڵه‌بانیه‌وه‌ كرد

0
3075
قوباد تاڵه‌بانى، جێگرى سه‌رۆكى حكومه‌ت و هه‌ڤاڵ ئه‌بوبه‌كر، پارێزگارى سلێمانى

ئه‌مڕۆ پێنجشه‌ممه‌ پارێزگارى سلێمانى له‌ په‌یوه‌ندییه‌كى ته‌له‌فۆنیدا له‌گه‌ڵ جێگرى سه‌رۆكى حكومه‌تى هه‌رێم تاوتوێى دۆخى دارایی و دابه‌شكردنى مووچه‌ى كرد.

له‌ راگه‌یه‌نراوێكدا كه‌ كه‌مێك له‌مه‌وبه‌ر له‌لایه‌ن نوسینگه‌ى هه‌ڤاڵ ئه‌بوبه‌كر، پارێزگارى سلێمانى بڵاوكراوه‌ته‌وه له‌باره‌ى په‌یوه‌ندییه‌ ته‌له‌فۆنییه‌كه‌وه‌ هاتووه‌، ‌”ئەمڕۆ هەڤاڵ ئەبوبەکر، پارێزگاری سلێمانی لە پەیوەندییەکی تەلەفۆنیدا لەگەڵ بەڕێز قوباد تاڵەبانی جێگری سەرۆکی حکومەتی هەرێمی کوردستان، سەبارەت بە رێکار و بەرنامە و پێشنیازەکانی حکومەتی هەرێمی کوردستان و تێگەیشتن و کار و کۆبوونەوەی هاوبەشی لایەنە سەرەکییەکانی بەشدار لە حکومەتی هەرێمی کوردستان و حکومەتە خۆجێیەکان و بارودۆخی دارایی و ئابووریی و مووچەی مووچەخۆران و قۆناغەکانی بەرەنگاربوونەوەی کۆرۆنا، گفتوگۆیان کرد”.

له‌ به‌یاننامه‌كه‌دا ئه‌وه‌شخراوه‌ته‌وه‌ڕوو، “بەڕێز جێگری سەرۆکی حکومەتی هەرێمی کوردستان، پشتیوانیی و ئامادەیی خۆیانی بۆ هەر پێشنیاز و هەماهەنگیی و کارێکی هاوبەش لەپێناوی خزمەتکردنی هاووڵاتیان و سەقامگیریی و گەشەکردنی هەرێمی کوردستاندا دەربڕی”.

په‌یوه‌ندییه‌ ته‌له‌فۆنییه‌كه‌ى جێگرى سه‌رۆكى حكومه‌ت و پارێزگارى سلێمانى له‌كاتێكدایه‌ كه‌ له‌ ئێستادا سلێمانى یه‌كه‌مین پارێزگاى هه‌رێمى كوردستانه‌ له‌ڕووى به‌رزى ژماره‌ى تووشبوون به‌ ڤایرۆسى كۆرۆنا، له‌ سه‌ره‌تاى بڵاوبوونه‌وه‌ى ڤایرۆسه‌كه‌ تا ئێستا 2 هه‌زار و 37 كه‌س له‌و پارێزگایه‌ تووشى كۆرۆنا بوون، له‌و ژماره‌یه‌ش 671 تووشبوو چاكبوونه‌ته‌وه‌ له‌ به‌رامبه‌ردا 70 تووشبوو به‌ ڤایرۆسه‌كه‌ گیانیان له‌ده‌ستداوه‌ و له‌ ئێستادا هه‌زار و 296 تووشبوو له‌ژێر چاره‌سه‌ردان.

بەشی بکە لە
Previous Next
Close
Test Caption
Test Description goes like this