یەکەم تووشبووی کۆرۆنا لە نەخۆشخانەی هەڵەبجە گیانی لەدەستدا

0
321

SNN-علی حەمە سەعید
دوای مانەوەی بۆماوەی چەند كاتژمێرێك یەكێك لە توشبووانی كۆرۆنا لە نەخۆشخانەی وەفا لە شاری هەڵەبجە گیانی لەدەستدا كە پیاوێكی تەمەن 73 ساڵە و دانیشتووی گوندی ( دێكۆن)ی سەر بە ناحیەی خورماڵە.

سنور حامید، جێگری بەڕێوەبەری گشتی تەندروستی هەڵەبجە بە SNNی ڕاگەیاند: ئەمشەو یەكێك لە توشبووانی ڤایرۆسی كۆرۆنا كە پیاوێكی تەمەن 73 ساڵ بوو پاش مانەوەی چەند كاتژمێرێكی كەم لە نەخۆشخانە بەهۆی ناجێگیری باری تەندروستییەوە گیانی لەدەستدا ئەوەش دەبێتە یەكەم توشبوو كە لەم نەخۆشخانەیە گیانی لەدەستدابێت.

ئاماژەی بەوەشكرد، ئەو كەسەی كە گیانی لەدەستداوە یەكێك بووە لە بەركەوتووانی چەكی كیمیایی، سەرەتا لە نەخۆشخانەی بەخشین لە سلێمانی داخڵکراوە بەڵام پزیشكەكان پێیان باشبووە كە ببرێتەوە بۆ نەخۆشخانەی وەفا، بۆیە پاش گواستنەوەی بۆ نەخۆشخانەی تایبەت بە کۆرۆنا لە هەڵەبجە لەماوەی چەند كاتژمێرێكی كەمدا گیانی لەدەستدا.

جێگری بەڕێوەبەری گشتی تەندروستی سلێمانی ئەوەشی خستەڕوو، ئەو هاوڵاتییە ناوی (محەمەد حەمە ئەمین)ەو خەڵكی گوندی (دێكۆن)ی سەر بەناحییەی خورماڵە.

لە ئێستادا لە كۆی 40 تووشبووی کۆرۆنا لە نەخۆشخانەی وەفای تایبەت بە کۆرۆنا لە شاری هەڵەبجە، باری تەندروستی پێنج تووشبوویان ناجێگیرە.

بەشی بکە لە
Previous Next
Close
Test Caption
Test Description goes like this