ئێران: کوشتنی سولەیمانی سیاسەتمان لە سوریا ناگۆڕێت

0
662

SNN

ئیسحاق جیهانگیری جێگری سەرۆکی ئێران رایگەیاند: “کوشتنی قاسم سولەیمانی فەرماندەی فەیلەقی قودسی ئێران لەلایەن ئەمریکاوە، سیاسەتی ئێرانی لە سوریا نەگۆڕیووە”.

ئەم وتانەی جیهانگیری لە میانەی پەیوەندییەکی تەلەفۆنییدا بوو لەگەڵ حسێن عەرنوس سەرۆک وەزیرانی سوریا، تیایدا باسی لەوەشکرد: “ئێران جەخت دەکاتەوە لەوەی وەڵامی دەبێت بۆ ئەو فشارانەی کە خراونەتە سەر دیمەشق، سوریاش هێز و ئارامی و سەقامگیری بۆ دەگەڕیتەوە”.

ئەم وتانەی جێگری سەرۆکی ئێران لەکاتێکدایە، ئەمریکا لە دوای کشانەوەی لە رێککەوتنی ناوەکی لەگەڵ ئێران لە ساڵی 2018، هەڵمەتێکی بۆ فشارخستنەسەر ئێران دەستپێکرد تا دەستبەرداری هەژموونی خۆی لە سوریا و وڵاتانی دیکەی رۆژهەڵاتی ناوەڕاست بێت.

لەلایەکی دیکەوە ئێران رەتیدەکاتەوە کە دەستبەرداری سیاسەتەکانی لە سوریا و وڵاتانی رۆژهەڵاتی ناوەڕاست بووبێت.

بەشی بکە لە
Previous Next
Close
Test Caption
Test Description goes like this