دوو تووشبووی کۆرۆنا لە سلێمانی گیانیان لەدەستدا

0
445

SNN-هەوراز ئەحمەد

ئەمڕۆ دوو تووشبووی دیکەی کۆرۆنا لە شاری سلێمانی گیانیان لەدەستدا کە ژنێک و پیاوێکن.

عەبدوڵا ئەحمەد جێگری بەڕێوەبەری تەندروستی سلێمانی کە سەرۆکی تیمی ناشتنی تەرمی تووشبووانی کۆرۆنایە، بە SNNی راگەیاند: “تووشبووەکان تەمەنیان 70 و 80 ساڵە، لە نەخۆشخانەی شەهید ئاسۆی تایبەت بە کۆرۆنا گیانیان لەدەستداوە”.

لەلایەکی دیکەوە د.یاد نەقشبەندی وتەبێژی تەندروستی سلێمانی بە SNNی وتووە: “93 تووشبووى كۆرۆنا لە سلێمانی ته‌ندروستییان ناجێگیره”، داواشی لەو کەسانە کرد کە لە نەخۆشییەکە چاکبوونەتەوە پلازما ببەخشن لە پێناو پاراستنی گیانی کەسانی دیکەی تووشبوو بە کۆرۆنا.

بە گوێرەی وەزارەتی تەندروستی هەرێمی کوردستان لە ئێستادا رێژه‌ى گیانلەدەستدان به‌ كۆرۆنا له‌ هه‌رێم بۆ 3.7٪ به‌رزبووه‌ته‌وه‌، رێژه‌ى 67٪ى تووشبوونیش له‌ پارێزگاى سلێمانیه‌.

بەشی بکە لە
Previous Next
Close
Test Caption
Test Description goes like this