ته‌ندروستى سلێمانى له‌باره‌ى به‌خشینى پلازماى خوێن داوایه‌ك ئاراسته‌ى حكومه‌تى هه‌رێم ده‌كات

0
300
تووشبوویه‌كى ڤایرۆسى كۆرۆنا له‌ یه‌كێك له‌ نه‌خۆشخانه‌كانى سلێمانى | فۆتۆ: هه‌وراز ئه‌حمه‌د \ SNN

جێگری بەڕێوەبەری گشتی تەندروستیی سلێمانی رایده‌گه‌یه‌نێت: تووشبووانی ڤایرۆسی کۆرۆنا پێویستیان بە پلازمای خوێنی چاکبووانی ڤایرۆسەکەیە ده‌شڵێت: “دەبێت حکومەت و وەزارەتی تەندروستی بە هاوکاری ماددی هانی چاکبووانی ڤایرۆسەکە بدەن بۆ ئەوەی پلازمای خوێنیان ببەخشین”.

عەبدوڵڵا ئەحمەد، جێگری بەڕێوەبەری گشتی تەندروستيی سلێمانی ئه‌مڕۆ هه‌ینى رایگه‌یاند: “تووشبووانی ڤایرۆسی کۆرۆنا پێویستیان بە پلازمای خوێنی چاکبووانی ڤایرۆسەکەیە و دەبێت حکومەت و وەزارەتی تەندروستی بە هاوکاری ماددی هانی چاکبووانی ڤایرۆسەکە بدەن بۆ ئەوەی پلازمای خوێنیان ببەخشن”.

وتیشى: “رۆژانە باری تەندروستی چەندین توشبووی ڤایرۆسی کۆرۆنا ناجێگیرە و پلازمای خوێنی چاکبووانی کۆرۆناش دەتوانێت لە مەترسی مردن دەربازیان بکات، بەڵام تائێستا رێژەیەکی زۆر کەم لە چاکبووان بە دەم بانگەوازەکانی تەندروستيیەوە هاتوون و خوێنیان بەخشیووە”.

جێگری بەڕێوەبەری گشتی تەندروستیی سلێمانی له‌باره‌ى داواكارییان له‌ حكومه‌تى هه‌رێم له‌وباره‌یه‌وه‌ ئاماژه‌ى به‌وه‌شكرد: “من وەکو جێگری بەڕێوەبەری گشتی تەندروستیی سلێمانی باوەرم وایە هاندانی حکومەت و وەزارەتی تەندروستی تەنیا بە بانگەواز کردن نابێت، دەبێت بە پاڵپشتی و هاوکاری ماددەی و داریی یان هەر ئیمتیازێکی دیکە هانی چاکبووان بدەن پلازمای خوێنیان ببەخشین”.
له‌ كۆتایی قسه‌كانیدا ئه‌وه‌شى خسته‌ڕوو: “داوا لە مامۆستایانی ئایینی دەکەم وەک هەمیشە روڵیان هەبێت لە هۆشیارکردنەوەی ئەو خێر و چاکە گەورەیە گەر کەسێک بە بەخشینی پلازمای خوێنی گیانی کەسێک لە مردن رزگار بکات”.

له‌ ئێستادا پارێزگاى سلێمانى له‌ پله‌ى یه‌كه‌مدایه‌ له‌ڕووى به‌رزى رێژه‌ى تووشبوون به‌ ڤایرۆسى كۆرۆنا، له‌ سه‌ره‌تاى بڵاوبوونه‌وه‌ى ڤایرۆسه‌كه‌ تا ئێستا 2 هه‌زار و 37 كه‌س تووشى ڤایرۆسه‌كه‌ بوون، 70 كه‌س به‌ ڤایرۆسه‌كه‌ گیانیان له‌ده‌ستداوه‌، له‌ ئێستادا هه‌زار و 296 تووشبوو له‌ژێر چاودێریدان.

بەشی بکە لە
Previous Next
Close
Test Caption
Test Description goes like this