سێ كورد له‌زانكۆكانى كوردستان بوونه‌ ئه‌ندامى لقی باله‌ى كۆمه‌ڵه‌ى عێراقی بۆ زانستى وه‌رزشى

0
183
د.هۆشیار عه‌بدولڕه‌حمان

سه‌نگه‌ر زرار- SNN Sport

 

سێ مامۆستاى كوردى زانكۆكانى كوردستان وه‌ك ئه‌ندامى لقى باله‌ى كۆمه‌ڵه‌ى عێراقی بۆ زانستى وه‌رزشى تایبه‌ت به‌زانكۆكانى عێراق دیارى كران و یه‌كێكیان ئومێدى ئه‌وه‌ ده‌خوازێت بتوانێ به‌شێوه‌یه‌كى ئه‌كادیمى و زانستى خزمه‌تێكى زیاتر به‌یارى باله‌ له‌سه‌ر ئاستى زانكۆكانى عێراق و عه‌ره‌ب به‌گشتى و كوردستان به‌تایبه‌تى بكات.

 

بۆ یه‌كه‌مجار لیژنه‌ى په‌ره‌پێدانى یارى باله‌ له‌نێو لقى باله‌ى كۆمه‌ڵه‌ى عێراقی بۆ زانستى وه‌رزشى پێكهێنرا كه‌ پێكهاتوون له‌ژماره‌یه‌ك مامۆستاى زانكۆ له‌نوێنه‌رایه‌تى زانكۆكانى عێراق و عه‌ره‌ب ده‌كه‌ن، له‌نێو لیژنه‌كه‌دا سێ ئه‌ندامى كوردى زانكۆكانى سه‌ڵاحه‌دین/ هه‌ولێر و سلێمانى و دهۆك هه‌ڵبژێردراون كه‌ پێكهاتوون له‌ (د.هۆشیار عه‌بدواڕه‌حمان موحه‌مه‌د، ئازاد حه‌سه‌ن قادر، موحه‌مه‌د حه‌سه‌ن موسته‌فا) و ئامانجى لیژنه‌كه‌ش خزمه‌ت كردن و به‌ره‌وپێشبردنى زیاترى یارى باله‌ى زانكۆكانه‌ له‌سه‌ر ئاستى ناوخۆى عێراق و پاشان عه‌ره‌بى.

 

یه‌كێك له‌ئه‌ندامانى لیژنه‌كه‌ (پ.ی. د.هۆشیار عه‌بدولڕه‌حمان)ه‌ كه‌ وه‌ك نوێنه‌رى كۆلێژى په‌روه‌ردى جه‌سته‌یی و زانستى وه‌رزش له‌زانكۆى سلێمانى دیارى كراوه‌، تۆڕى هه‌واڵى سلێمانى (SNN Sport)، په‌یوه‌ندى پێوه‌كرد و سه‌باره‌ت به‌دروستكردنى ئه‌م لیژنه‌یه‌ و كاره‌كانیان و ئه‌رك و ئامانجیان بۆ به‌ره‌وپێشبردنى یارى باله‌ى زانكۆكان پرسیارى لێكرد و ئه‌میش وتى:” لیژنه‌كه‌ یه‌كه‌مجاره‌ داده‌مه‌زرێت، له‌ 19 كه‌س پێكهاتووه‌، سه‌رۆك و ئه‌میندار و 17 ئه‌ندام كه‌ له‌نوێنه‌رانى زانكۆكانى عێراق و عه‌ره‌بى پێكهاتووه‌، 15 ئه‌ندامیان نوێنه‌رانى زانكۆكانى عێراق و دوو ئه‌ندامى لیژنه‌كه‌ ئه‌ندامى زانكۆكانى وڵاتانى ترى عه‌ره‌بن له‌وانه‌ ئورد‌ن و عومان، ئه‌م كۆمه‌ڵه‌یه‌ى عێراق بۆ زانستى وه‌رزشى هه‌موو یارییه‌ وه‌رزشییه‌كان لقى تایبه‌ت به‌خۆیان تێدا هه‌یه‌ و منیش له‌لقى یارى باله‌دا وه‌ك نوێنه‌رى زانكۆى سلێمانى بوومه‌ته‌ ئه‌ندام”.

 

پ.ی. د.هۆشیار عه‌بدولڕه‌حمان ئه‌ندامى لیژنه‌ى په‌ره‌پێدانى لقى باله‌ى كۆمه‌ڵه‌ى عێراقی بۆ زانستى وه‌رزشى له‌درێژه‌ى وه‌ڵامه‌كه‌یدا وتى:” ئه‌م لیژنه‌یه‌ بۆ په‌ره‌پێدانى یارى باله‌ دامه‌زراوه‌ به‌شێوه‌یه‌كى گشتى یارى باله‌ى نێو زانكۆكان و به‌شێوه‌یه‌كى تایبه‌تیش بۆ بواره‌كانى ئه‌كادیمیا و توێژینه‌وه‌ و چۆنێتى پلان دانان بۆ په‌ره‌پێدانى یارى باله‌ و پێشخستنى له‌سه‌ر ئاستى زانكۆكانى عێراق و عه‌ره‌بى، ئومێد ده‌كه‌م بتوانم له‌ئاست ئه‌و متمانه‌یه‌ دابم و به‌شێوه‌یه‌كى ئه‌كادیمى و زانستى خزمه‌تێكى زیاتر به‌یارى باله‌ له‌سه‌ر ئاستى زانكۆكانى عێراق و عه‌ره‌ب به‌گشتى و كوردستان به‌تایبه‌تى بكه‌م”.

 

*د.هۆشیار عه‌بدولڕه‌حمان كێیه‌؟

-ناوى ته‌واو: هۆشیار عه‌بدولڕه‌حمان محه‌مه‌د.

-به‌ (هۆشیار كۆیی) ناسراوه‌.

-ساڵى 1952 له‌شارى كۆیه‌ دایكبووه‌.

-ده‌رچووى زانكۆى به‌غدا-یه‌ له‌ساڵى 1977دا.

-یاریزانى یارییه‌كانى باله‌ و باسكه‌ و تۆپى ده‌ستى یانه‌ و هه‌ڵبژارده‌ى په‌روه‌رده‌ و مه‌ڵبه‌ندى وه‌رزش و لاوانى هه‌ولێر بووه‌.

-راهێنه‌رى تیپى باله‌ى یانه‌كانى هه‌ولێر و برایه‌تى و سیروانى نوێ بووه‌.

-له‌به‌غدا و سلێمانى و دهۆك و وڵاتى میسر چه‌ندین خولى راهێنه‌رى ناوخۆیی و نێوده‌وڵه‌تى بینیوه‌ و بڕوانامه‌ى پله‌كانى سێ و دوو هه‌روه‌ها یه‌كى عێراقى به‌ده‌ستهێناوه‌.

-ئه‌ندامى لقى هه‌ولێرى یه‌كێتى باله‌ى عێراق و لیژنه‌كانى راهێنان و وانه‌بێژى بووه‌.

-سكرتێرى یه‌كێتى باله‌ى كوردستانه‌.

-وه‌ك میدیاكارێكى وه‌رزشى له‌ڕۆژنامه‌ى كاروانى وه‌رزش و هه‌فته‌نامه‌ى الاتحاد و ته‌له‌فزیۆنى گه‌لى كوردستان/ كه‌ناڵى هه‌ولێر كارى كردووه‌.

-ساڵى 2001 بڕوانامه‌ى ماسته‌رى له‌بوارى وه‌رزش له‌زانكۆى سلێمانى وه‌رگرتووه‌.

-ساڵى 2007 بڕوانامه‌ى دكتۆراى له‌بوارى وه‌رزش له‌زانكۆى كۆیه‌ وه‌رگرتووه‌.

-ساڵانى 1992 تا 1994 بووه‌ته‌ یاریده‌ده‌رى راگرى كۆلێژى په‌روه‌رده‌ى وه‌رزشى زانكۆ سلێمانى.

-ساڵانى 2005 تا 2006 بووه‌ته‌ سه‌رۆكى به‌شى په‌روه‌رده‌ى وه‌رزشى زانكۆى كۆیه‌.

-ساڵى 2006 بووه‌ته‌ سه‌رپه‌رشتیارى كۆلێژى په‌روه‌رده‌ى وه‌رزشى زانكۆى كۆیه‌.

-ساڵانى 2007 تا 2010 بووه‌ته‌ راگرى كۆلێژى په‌روه‌رده‌ى وه‌رزشى زانكۆى كۆیه‌.

-له‌ساڵى 2013ه‌وه‌ تائێستا وه‌ك مامۆستاى وانه‌بێژ (پڕۆفیسۆرى یاریده‌ده‌ر) له‌كۆلێژى په‌روه‌ردى جه‌سته‌یی و زانستى وه‌رزش له‌زانكۆى سلێمانى به‌رده‌وامه‌.

بەشی بکە لە
Previous Next
Close
Test Caption
Test Description goes like this