گه‌رمیان: خۆپیشاندان له‌دژى كه‌مكردنه‌وه‌ى مووچه‌ و خراپى دۆخى دارایی به‌ڕێوه‌چوو

0
547
وێنه‌یه‌كى خۆپیشاندانه‌كه‌ | فۆتۆ: SNN

SNN – سیروان حه‌سه‌ن
له‌ شارى كه‌لارى ناوه‌ندى ئیداره‌ى گه‌رمیان به‌شێك له‌ هاووڵاتییان كه‌ زۆربه‌یان مامۆستان له‌ دژى خراپى بارودۆخى ژیانییان و نه‌بوونى مووچه‌ خۆپیشاندانیان ئه‌نجامدا‌ و رێگایه‌كى سه‌ره‌كى بۆ بازاڕى ناوچه‌كه‌یان داخست‌.

كاروان ناسر، یه‌كێك له ‌به‌شداربووانى خۆپیشاندانه‌كه‌ به‌ (SNN)ى راگه‌یاند: “ماوه‌ى نیو كاتژمێره‌ وه‌كو به‌شێك له‌ هاووڵاتییان كه‌ زۆربه‌یان مامۆستان خۆپیشاندانیان له‌ به‌رده‌م قایمقامیه‌تى شارى كه‌لار ئه‌نجامدا”‌.

وتیشى: “هاتووین داواى مافى خۆمان ده‌كه‌ین كه‌ چه‌ندین ساڵه‌ مووچه‌مان لێبڕاوه‌ كار و كه‌سابه‌ت و لایه‌نه‌كانى ترى ژیان له‌ لایه‌ن حكوومه‌ته‌وه‌ وه‌ستێندراوه‌، له‌ئێستاشدا له‌برى ئه‌وه‌ى بارودۆخه‌كه‌ باش بكاته‌وه‌ هه‌ستاون به‌ بڕینى مووچه‌ و كه‌مكردنه‌وه‌ى”.

نه‌به‌رد ئه‌حمه‌د، یه‌كێكى تر له‌ به‌شداربووانى خۆپیشاندانه‌كه‌ به‌ (SNN)ى راگه‌یاند: “وه‌كو خۆپیشانده‌ران بڕیارمانداوه‌ ئێواره‌ جارێكى تر ده‌ستبكه‌ینه‌وه‌ به‌ خۆپیشاندان و خێمه‌ هه‌ڵده‌ده ين‌، چیتر داواى چاككردنى مووچه‌ ناكه ين‌، چونكه‌ پێنج ساڵه‌ ئه‌و داواكارییه‌ له‌ حكومه‌ت ده‌كه‌ین و هیچ سوودێكى نییه”‌.

وتیشى: “داواى هه‌ڵوه‌شاندنه‌وه‌ى حكومه‌ت و دروستكردنى حكومه‌تێكى ته‌كنۆكرات ده‌كه‌ین و به‌رده‌وامى به‌ خۆپیشاندانه‌كان ده‌ده‌ین”.

به‌پێى زانیارییه‌كانى (SNN)، “خۆپیشاندانه‌كه‌ تاوه‌كو ئێستا به‌رده‌وامى هه‌یه”‌.

بەشی بکە لە
Previous Next
Close
Test Caption
Test Description goes like this