لە سەرگەڕان جارێکی تر تەعریب سەرهەڵدەداتەوە

0
394
ژنه‌ جوتیارێكى عێراقى | فۆتۆ: MintPress News

SNN – عیماد جەباری
به‌ڕێوه‌به‌رى ناحیه‌ى سەرگەڕان بە پشتبەستن بە چەند بڕیارێکی دادگای کەرکوک داوادەکات پۆلیسی ناحیەکە کارئاسانی بکەن بۆ گەڕانەوەی زەوی جوتیارانی کورد بۆ عەرەبی هاوردە.

بەپێی نووسراوێک کە ئیمزای بەڕێوه‌بەری ناحیەی سەرگەڕانی لەسەرە و ئاراستەی هۆبەی کشتوکاڵ و پۆلیسی ناحیەکەی کردووە، “تێیدا چەند پارچەیەکی زەوی دیاریکردووە و داوادەکات رێگربن لە جوتیارانی کورد کە (بە زیادەڕۆ ناویان دەبات) تاوەکو مامەڵەی نوێکردنەوەی گرێبەستی خاوەنە رەسەنەکانیان تەواودەبێت کە (مەبەستی عەرەبی هاوردەیە)”.

پێشتریش هەر بۆ هەمان مەبەست، به‌ڕێوه‌به‌رى کشتوکاڵی سەرگەڕان نووسراوێکی ئاراستەی بەڕێوبەری ناحیەی سەرگەڕان کردووە داوا دەکات رێگا نەدەن چیتر جوتیارانی زیادەڕۆ ئەو زەویانە بکێڵن کە مەبەستی کوردە”.

بەپێی زانیاریەکانی (SNN) ئەو زەویانە رووبه‌ره‌كه‌یان، “520 دۆنمە و کەوتوونەتە گوندەکانی: پەڵکانە، خەرابە، شناغە و سەرگەڕان، پێشتر دادگای کەرکوک چارەنووسی ئەو زەویانەی لە بەرژەوەندی جووتیارانی هاوردە یەکلاکردوەتەوە”.

بۆ وەرگرتنی زانیاری لەبارەی ئەو نووسراوانەوە (SNN) چەند جارێک پەیوەندی کرد بە بەڕێوه‌بەری ناحیەی سەرگەڕان، بەڵام بەردەستنەبوو.

 

ئه‌و نووسراوه‌ى به‌ڕێوه‌به‌رى ناحیه‌ى سه‌رگه‌ڕان ئاراسته‌ى هۆبەی کشتوکاڵ و پۆلیسی ناحیەکەی کردووە

ئه‌و نووسراوه‌ى به‌ڕێوه‌به‌رى ناحیه‌ى سه‌رگه‌ڕان ئاراسته‌ى هۆبەی کشتوکاڵ و پۆلیسی ناحیەکەی کردووە

وێنه‌ى ئه‌و نووسراوه‌ى به‌ڕێوه‌به‌رى كشتوكاڵى سه‌رگه‌ڕان ئاراسته‌ى به‌ڕێوه‌به‌رى ناحیه‌كه‌ى كردووه‌

وێنه‌ى ئه‌و نووسراوه‌ى به‌ڕێوه‌به‌رى كشتوكاڵى سه‌رگه‌ڕان ئاراسته‌ى به‌ڕێوه‌به‌رى ناحیه‌كه‌ى كردووه‌

بەشی بکە لە
تاگەکانکەرکوک
Previous Next
Close
Test Caption
Test Description goes like this