گریگۆر دیمترۆڤ تووشی كۆرۆنا بوو

0
101
دیمترۆڤ

SNN Sport

 

گریگۆر دیمترۆڤ یاریزانی تێنسی سه‌رزه‌وی بولگاری تووشبوونی به‌ ڤایرۆسی كۆرۆنا به‌ هه‌وادارانی  راگه‌یاند.

 

ئه‌و یاریزانە بولگارییە‌ به‌شداری  له‌ پاڵه‌وانێتی ئه‌دریای نمایشكاری له‌ كرواتیا كردبوو، به‌ڵام به‌هۆی نه‌خۆشی پێش یارییه‌كه‌ی پاشه‌كشێی كرد  كه‌ لایه‌نی دووه‌می نۆڤاك جۆکۆڤیچی پۆڵێنكراوی یه‌كه‌می جیهان بوو.

 

دیمترۆڤ هه‌واڵه‌كه‌ی له‌ ئه‌ژماری خۆی  له‌ ئینستاگرام راگه‌یاند و وتی ” ده‌مه‌وێت هاوڕێیان و جه‌ماه‌ره‌كه‌م بزانن كه‌ من تووشی ڤایرۆسی كۆرۆنا بووم‌ و حه‌ز ده‌كه‌م هه‌موو ئه‌وانه‌ی له‌گه‌ڵ مندا په‌یوه‌ندییان هه‌بووه‌ له‌ ماوه‌ی چه‌ند رۆژی رابردوودا پشکنین بکەن “.

 

هه‌روه‌ها وتی ”  له‌ ئێستادا گه‌ڕامه‌وه‌ نیشتمانه‌كه‌م وچاك ده‌بمه‌وه‌ ، سوپاسی پاڵپشتیتان ده‌كه‌م ، تكایه‌ باوه‌ره‌تان هه‌بێت و له‌ ته‌ندروستییەكی باشدا بن “.

 

جێی باسه‌ كه‌ كۆتایی پاڵه‌وانێتی گه‌ڕی زادار هه‌ڵوه‌شێندرایه‌وه‌ به‌هۆی ئه‌وه‌ی دیمیترۆڤ بەرکەوتنی لەگەڵ یاریزانه‌كان هەبووە کاتێک كه‌ گه‌یشتنه‌ كۆتایی .

 

بەشی بکە لە
Previous Next
Close
Test Caption
Test Description goes like this