وەزیری تەندروستی پەیامێک ئاڕاستەی قوربانیانی وەزارەتەکەی دەکات

0
655
سامان به‌رزنجى، وه‌زیرى ته‌ندروستیى هه‌رێم | فۆتۆ: SNN

SNN-

وەزیری تەندروستیی هەرێم پەیامێکی سەرەخۆشی ئاڕاستەی ئەو کارمەندانەی وەزارەتەکەی دەکات کە بەهۆی کۆرۆناوە گیانیان لەدەستداوە.

سامان بەرزنجی لەپەیامێکیدا دەڵێت: “بە خەم و پەژارەیەکی زۆرەوە بەناوی وەزارەتی تەندروستی پرسە و سەرەخۆشی ئاڕاستەی خانەوادەی هەر چوار خوالێخۆشبووی کارمەندی تەندروستی و کارگوزار و شوفێرەکانی میلاکی وەزارەتی تەندروستی دەکەین لە شاری سلێمانی و دەڤەری گەرمیان و ڕاپەڕین”.

دەشڵێت: “ئەو کارمەندانەی وەزارەتی تەندروستیی بەهۆی تووشبوونیان بە نەخۆشی ڤایرۆسی کۆرۆنای نوێ COVID-19 لە پیرۆزترین ئەرکی مرۆڤایەتی گیانیان لەدەستداوە”.

وەزیری تەندروستی ئاماژە بەوەشدەکات “پزیشكان و كارمەندان و فەرانبەرانی تەندروستی لە سەنگەری پێشەوەی بەرەنگاربوونەوەی ئەم پەتا جیهانییەن کە بەتەواوی تواناكانیانەوە كاردەكەن بۆ ئەوەی گیانی هاووڵاتیان بپارێزن و بەردەوام لە هەموو كارەساتەكان لە سەنگەری بەرگریبوون سڵیان نەکردۆتەوە”.

د. سامان بەرزنجی دەڵێت: “لێرەوە دووبارە هاوخەمی و پرسەی خۆمان بۆ كەسوكاری قوربانیان دەردەبرین، داواكارین لە خوای گەورە بە بەهەشتی بەرینیان شاد بكات و سەبووری بە كەسوكار و دۆستان و هاوپیشەکانمان بدات”.

بەشی بکە لە
Previous Next
Close
Test Caption
Test Description goes like this