له‌ قەزایەک ژمارەی تووشبووانى كۆرۆنا لەناکاو زیادى كردووه‌ 

0
1172

SNN-سیروان حه‌سه‌ن
له‌ قه‌زاى خورماتووى سنوورى ناوچه‌ كێشه‌ له‌سه‌ره‌كان ژماره‌ى تووشبوون به‌ ڤایرۆسی كۆرۆنا له‌ناكاو به‌رزبووه‌ته‌وه‌ و به‌ شێوه‌یه‌ك هه‌ر ئه‌مڕۆ 26 كه‌س ئاشكرابووه‌ هه‌ڵگرى ڤایرۆسه‌كه‌ن و لایه‌نى ته‌ندروستیش ده‌ڵێت هۆكاره‌كه‌ى گوێنه‌دانى خه‌ڵك بووه‌  بە رێنماییه‌ ته‌ندروستییه‌كان.

د. محه‌مه‌د ئه‌كبه‌ر به‌رێوه‌به‌رى نه‌خۆشخانه‌كانى خورماتوو بە SNNی راگه‌یاند؛ ئێواره‌ى ئه‌مڕۆ سێ شه‌ممه‌ 23ى حوزه‌یران 26 هاووڵاتى له‌ گه‌ڕه‌كه‌ جیاوازه‌كانى خورماتوو ئه‌نجامى پشكنینان گه‌ڕاوه‌ته‌وه‌ كه‌ هه‌ڵگرى ڤایرۆسی كۆرۆنان و بڕیاره‌ سبه‌ینێ ئه‌نجامى 200 پشكنینى دیكه‌ ڕابگه‌یه‌ندرێت.

وتیشى، ئه‌و كه‌سانه‌ تاوه‌كو ئێستا له‌ ماڵه‌كانى خۆیاندان و بڕیاره‌ سبه‌ینێ چوارشه‌ممه‌ هه‌موویان كه‌ره‌نیتن بكرێن له‌ نه‌خۆشخانه‌ى تایبه‌ت به‌ كۆرۆنا له‌ ناوچه‌كه‌و رێشوێنى پێویستیان بۆ بگیرێته‌به‌ر.

سه‌باره‌ت به‌ زیادبوونى ڕێژه‌كه‌ به‌و شێوه‌یه‌ د. محه‌مه‌د ئه‌كبه‌ر رایگه‌یاند، هه‌رچه‌نده‌ له‌ ده‌زگاكانى ڕاگه‌یاندنه‌وه‌ و هه‌روه‌ها له‌ رێگه‌ى گه‌ڕه‌ك و سه‌ردانى مه‌یدانى تیمه‌ پزیشكییه‌كانه‌وه‌ هاووڵاتیان له ‌مه‌ترسى ئه‌و ڤایرۆسه‌ ئاگاداركرانه‌وه‌، به‌ڵام له‌ ئاستى پێویست هاووڵاتیان به‌ ده‌م داواكارییه‌كه‌یانه‌وه‌ نه‌هاتن و ته‌نانه‌ت تاوه‌كو ئێستا به‌شێك له‌ هاووڵاتیان باوه‌ڕیان به‌وه‌ نییه‌ ئه‌و ڤایرۆسه‌ مه‌ترسیداره‌ بوونى هه‌بێت.

نزیكه‌ى مانگێك له‌مه‌وبه‌ر له‌ قه‌زاى خورماتوو پێنج كه‌س به‌ ڤایرۆسی كۆرۆنا تووشبوون و دواتر چاكبوونه‌وه‌ و له‌دواى ئه‌و پێنج كه‌سه‌وه‌ ئه‌مه‌ یه‌كه‌مجاره‌ له‌ ناوچه‌كه‌ 26 كه‌س به‌ یه‌كجار تووشى ئه‌و ڤایرۆسه‌ ببن.

بەشی بکە لە
Previous Next
Close
Test Caption
Test Description goes like this