توشبوویەكی دیكەی كۆرۆنا لە پێنجوێن گیانی لەدەستدا

0
432

SNN-عەلی حەمە سەعید

پێش نیوەڕی ئەمڕۆ ژنێکی تەمەن 50 ساڵی تووشبوو بە ڤایرۆسی كۆرۆنا، كە دانیشتووی قەزای پێنجوێنە، لە نەخۆشخانەی تایبەت بە كۆرۆنا لە شاری سلێمانی گیانی لەدەستدا.

لوقمان لەتیف، بەرپرسی بەشی ڕاگەیاندنی نەخۆشخانەی گشتی شەهیدانی پێنجوێن بە SNNی راگەیاند: “ئەمڕۆ یەكێكی دیكە لە تووشبووانی ڤایرۆسی كۆرۆنا كە دانیشتووی قەزای پێنجوێنە لە شاری سلێمانی گیانی لەدەستدا، ئەوەش دوای ئەوەی نزیكەی 10 ڕۆژ دەبێت لە نەخۆشخانە لە ژێر چاودێریدایە”.

ئاماژەی بەوەشكرد: “ئەو تووشبووەی كۆرۆنا ناوی (دڵسۆز پێنجوێنی)یە و تەمەنی نزیكەی 50 ساڵ دەبێت و دوێنێ‌ پێویستی بە پلازمای خوێن هەبووە، پلازمای خوێنیشی بۆ پەیدا كراوە و بۆیشی بەكار هاتووە بەڵام بەهۆی ناجێگیری باری تەندروستییەوە ئەمڕۆ گیانی لەدەستدا”.

بەرپرسی بەشی راگەیاندنی نەخۆشخانەی گشتی شەهیدانی پێنجوێن ئەوەشی خستەڕوو: “ئەمە چوارەم هاووڵاتی قەزای پێنجوێنە كە بەهۆی ڤایرۆسی كۆرۆناوە گیان لەدەستبدات، هاوكات بە سەدان تووشبووی دیكەش هەن كە بەشێكی زۆریان لەماڵەوە خۆیان كەرەنتینە كردووە بەشێكیشیان لە نەخۆشخانەكانی سلێمانی لەژێر چاودێریدان”.

بەشی بکە لە
Previous Next
Close
Test Caption
Test Description goes like this