كه‌مى ستاف و ته‌واوبوونى ئۆكسجین گرفتى تووشبووانى كۆرۆنان لە گەرمیان

0
302

SNN- سیروان حه‌سه‌ن

له‌ هه‌ردوو نه‌خۆشخانه‌ى تایبه‌ت به‌ كۆرۆنا له‌گه‌رمیان گرفتى كه‌مى ستافى پزیشكى و ته‌واوبوونى ئۆكسجین گه‌وره‌ترین كێشه‌یە، بەڵام تووشبووانى كۆرۆنان له‌ ئه‌مڕۆوه‌ به‌هۆى كۆمه‌ڵێك خۆبه‌خشه‌وه‌ تاراده‌یه‌ك كاروباره‌كان باشتركراون و ئۆكسجینیش دواى رۆژێك گه‌یه‌نراوته‌ نه‌خۆشخانه‌كان.

تاوه‌كو ئێستا له‌ سنوورى گه‌رمیان 451 هاووڵاتى تووشى كۆرۆنا بوون و 117 كه‌س چاكبوونه‌ته‌وه‌ و 7 كه‌سیش گیانیانله‌ده‌ستداوه‌، ئه‌وانه‌ى له‌ نه‌خۆشخانە گرفتیان هه‌یه‌ له‌ رووى كه‌مى كارمه‌ند و كارپێنه‌كردنى ئامێرى هه‌ناسه‌دان و كه‌مى ئۆكسجین.

كارمه‌ندێكى ته‌ندروستى كه‌ له‌نه‌خۆشخانه‌كانى تووشبوون به‌ كۆرۆنا له‌ كه‌لار ده‌وامده‌كات به‌ SNNى راگه‌یاند: له‌ گه‌رمیان ژماره‌ى تووشبووان تادێت زیاترده‌بێت، له‌گه‌ڵ ئه‌مشه‌دا به‌شێكى زۆر له‌ كارمه‌ند و پزیشكان مانیانگرتووه‌و ده‌وام ناكه‌ن، هه‌ربۆیه‌ ئه‌و ستافه‌ كه‌مى سه‌رپه‌رشتى تووشبوون ده‌كه‌ن رێژه‌مان كه‌مه‌ به‌ شێوه‌یه‌ك هه‌ر ستافێك ڕۆژانه‌ 12 كاتژمێر له‌ ده‌وامدا دەبن.

وتیشى، “له‌به‌ر كه‌مى پزیشك و كارمه‌ند ئه‌و ژماره‌یه‌ش كه‌ ده‌وام ده‌كه‌ن فریاى هه‌مووان ناكه‌ون، رۆژى وا هه‌یه‌ 12 كاتژمێر له‌ده‌وامن كاتى ئه‌وه‌یان نابێ نان بخۆن، به‌ڵام له‌مڕۆوه‌ چوارشه‌ممه‌ هه‌ندێك خۆبه‌خش هاتوونه‌ته‌ ده‌وام له‌ ڕووى ئیدارى و چاودێرى تووشبووه‌كان هاوكارێكى باشن بۆ ئێمه‌”.

له‌ سنورى گه‌رمیان 18 ئامێرى هه‌ناسه‌دانى ده‌ستكرد هه‌یه‌ و 10 ئامێریان هى حكومه‌ته‌ و هه‌شت دانه‌شیان له‌ لایه‌ن خێرخوازانه‌وه‌ له‌ نێو نه‌خۆشخانه‌ى قه‌ڵاى دانراوه‌ به‌ڵام ئه‌و ئامێرانه‌ پێشتر كاریان پێنه‌كرابوو ئه‌ویش یه‌كێك بوو له‌ گرفته‌كان و ئه‌مڕۆ ئه‌و ئامێرانه‌ش خراونه‌ته‌ كارو بڕیاره‌ له‌مه‌ودوا بۆ نه‌خۆش به‌كاربهێندرێن.

له‌به‌ر دواكه‌وتنى مووچه‌ ماوه‌ى دوو هه‌فته‌یه‌ ژماره‌یه‌كى زۆر له‌ پزیشكان و كارمه‌ندانى ته‌ندروستى له‌ سنوورى گه‌رمیان بایكۆتى ده‌وامیان كردووه‌ و ژماره‌یه‌ك نه‌خۆشخانه‌و بنكه‌ى ته‌ندروستى داخراون.

بەشی بکە لە
Previous Next
Close
Test Caption
Test Description goes like this