داهاتی نەوتی عێراق بۆ مانگی رابردوو ئاشکرا دەکرێت

0
361

SNN

وەزارەتى نەوتى عێراق رایگەیاند: لە مانگى ئایاری رابردوودا داهاتی نەوتی عێراق دوو ملیار و 138 ملیۆن دۆلار بووە.

لە راگەیەنراوێکدا وەزارەتى نەوتى عێراق ئاماژەى بەوە کردووە، مانگى رابردوو 99 ملیۆن و 585 هەزار بەرمیل نەوتی هەناردەى دەرەوە کردووە و بەتێکڕاش بەرمیلێک نەوتی بە 21 دۆلار و 45 سەنت فرۆشتووە.

هەر لەوبارەیەوە عاسم جیهاد وتەبێژى وەزارەتى نەوتی عێراق رایگەیاند: بەپێی داتاکانى کۆمپانیاى سۆمۆ، بڕى 96 ملیۆن بەرمیل لە کێڵگەکانى ناوەڕاست و باشوورى عێراقەوە نێردراو و سێ ملیۆن و 545 هەزار بەرمیلیش لە کێڵگەکانى کەرکوک و لە رێگەى بەندەرى جەیهانى تورکیاوە هەناردەکراون.

ئەمەش دوای ئەوەدێت، مانگى نیسان عێراق رۆژانە سێ ملیۆن و 428 هەزار بەرمیل نەوتى هەناردە دەکرد و داهاتەکەشى ملیارێک و 420 هەزار دۆلار بوو کە تێکڕاى نرخى بەرمیلێک 13 دۆلار و 80 سەنت بوو.

کەمبوونەوەی نرخی نەوت لە بازاڕەکانی جیهاندا قەیرانی دارایی بۆ عێراق دروستکردووە و بەوهۆیەشەوە دوێنێ ئەنجومەنی نوێنەرانی عێراق دەنگیدا لەسەر وەرگرتنی قەرزی ناوخۆیی و دەرەکی تا بتوانرێت مووچەی مووچەخۆرانی عێراق  دابین بکرێت.

بەشی بکە لە
Previous Next
Close
Test Caption
Test Description goes like this