لەپارێزگاى هەڵەبجە بڕیاری ڕاگرتنی دەوامی فەرمانگەكان درێژ كرایەوە

0
469
بازاڕی هەڵەبجە

SNN- عەلی حەمە سەعید

كەمپێش پێش ئێستا ژووری ئۆپراسیۆنەكانی ڕووبەڕووبوونەوەی ڤایرۆسی كۆرۆنا لە پارێزگای هەڵەبجە كۆبوونەوەی خۆیان كۆتایی پێهێنا و بڕیاریاندا كە ڕاگرتنی دەوامی سەرجەم فەرمانگە حكومییەكان تا بەرواری 4/7/2020 درێژ بكرێتەوە و هاوكات لە ڕۆژانی دابەشكردنی مووچەدا دەوامی بانکەكان ئاسایی دەبێت.

لە بڕیارەكانی ژووری ئۆپراسیۆنەكانی پارێزگای هەڵەبجە كە وێنەیەكیان بۆ SNN ناردووە ئەوەخراوەتەڕوو، بڕیاریانداوە بە درێژكردنەوەی ڕاگرتنی دەوامی فەرمانگە حكومییەكان لە ڕۆژی یەكشەممە 28/6/2020 بۆ 4/7/2020 جگە لە هێزەكانی ناوخۆ و كەرتی تەندروستی، هاوكات ڕاگرتنی دەوام لە ڕۆژانی دابەشكردنی مووچە بانکی هەڵەبجە ناگرێتەوە.

ئەوەش هاتووە، سەبارەت بە تاقیكردنەوەكان لە زانكۆ و قوتابخانەكان كە بەخشتەیەك لەلایەن وەزارەتی خوێندنی باڵا و پەروەردەوە كاتی تاقیكردنەوەیان دیاریكراوە ڕاگرتنی دەوام نایانگرێتەوە، هاوكات بڕیاریشدرا بە داخستنی سەرجەم نۆرینگەكانی (پزیشكی، پزیشكی ددان و تاقیگە)کان جگە لەدەرمانخانەكان لەگەڵ سەرجەم یانە و كافتریا و هۆڵی بۆنە و كۆڕ و كۆبوونەوەكان و پرسە و ئاهەنگگێڕان تابەرواری 4/7/2020 قەدەغە دەبێت.

هەر لە بڕیارەكانی ژووری ئۆپراسیۆنەكانی پارێزگای هەڵەبجە جەخت لەوەشكراوەتەوە، چێشتخانە و كەبابخانەكان كراوە دەبن و تەنها بەشێوەی دلیڤەری كاردەكەن، بە پێچەوانەوە ڕێكکاری یاسایی دژیان دەگیرێتەبەر، لەگەڵ ئەوەشدا سەردانی شوێنە گەشتیارییەكان بە هەموو شێوەیەك قەدەغەیە و داخستنی مزگەوت و پەرستگاكان تاكاتێكی نادیار بەردەوامدەبێت.

بەشی بکە لە
Previous Next
Close
Test Caption
Test Description goes like this