سەرۆککۆماری عێراق یاسای قەرزی ناوخۆیی و دەرەکی پەسەند کرد

0
198

SNN

سەرۆككۆماری عێراق د. بەرهەم ساڵح، ئەمڕۆ پێنجشەممە 25ی حوزەیران یاسای قەرزی ناوخۆیی و دەرەكی بۆ پڕكردنەوەی کورتھێنانی دارایی بۆ ئەمساڵ 2020 پەسەند كرد.

سەرۆك كۆمار لەمیانی واژۆکردنی یاساكەدا وتی: “مەبەست لەپەسەندكردنی یاساكە بۆ دەربازبوونە لە قەیرانی دارایی كە لە ئێستادا وڵات پێیدا تێپەڕ دەبێت بەهۆی بڵاوبوونەوەی پەتای کۆرۆنا، ھەروەھا بۆ پاڵپشتیکردنی مووچەی فەرمانبەران و خانەنشینان و خەرجییە پێویستەكانی حكومەتە، ھاوکات دووپاتیکردەوە کەمکردنەوەی خەرجییەكانی حكومەت لەم قۆناغەی ئێستادا کارێکی پێویستە”.

پەسەند کردنی یاساکە لەلایەن سەرۆككۆمار، دوای ئەوە دێت کە ئەنجومەنی نوێنەران یاساکەی ئاڕاستەی سەرۆكایەتی كۆمار کرد، پاش ئەوەی دوێنی چوارشەممە دەنگی لەسەر درا.

بەشی بکە لە
Previous Next
Close
Test Caption
Test Description goes like this