قەدەغەی هاتووچۆ لە خورماتوو راگەیەندرا

0
172

SNN-سیروان حه‌سه‌ن

به‌هۆى زیادبوونى رێژه‌ى تووشبوون بە كۆرۆنا له‌ قه‌زاى خورماتوو بۆ ماوه‌ى 10 رۆژ، هه‌موو جۆره‌ هاتووچۆیه‌ك قه‌ده‌غه‌كرا، له‌گه‌ڵ داخستنى ته‌واوى بازاڕ و دوكانه‌كانى ناوچه‌كه‌.

د. حه‌سه‌ن زه‌ین عابدین قایمقامى خورماتوو به‌ SNN ی راگه‌یاند: “له‌به‌ر زۆربوونى رێژه‌ى تووشبووان به‌ ڤایرۆسی كۆرۆنا كه‌ به‌ رێژه‌یه‌كى به‌رچاو له‌ خورماتوو زیادى كردووه‌، له‌به‌ر پاراستى هاووڵاتیان له‌مڕۆوه‌ هه‌ینى 26ى حوزه‌یران بۆ ماوه‌ى 10 رۆژ قه‌ده‌غه‌ى هاتووچۆمان راگه‌یاندووه”.

وتیشى: “به‌ پێى بڕیاره‌كه‌ ده‌وام راگیراوە، هه‌موو جۆره‌ هاتووچۆیه‌ك قه‌ده‌غه‌یه‌، هه‌موو دوكان و بازاڕه‌كان داخراو ده‌بن ته‌نها ده‌رمانخانه‌ كراوه‌ دەبێت، هه‌روه‌ها هاتووچۆى هێزه‌ ئه‌منییه‌كان و كارمه‌ندانى ته‌ندروستیش به‌ پێى پێویست و بۆ كارى گرنگ ده‌بێت “.

د. محه‌مه‌د ئه‌كبه‌ر به‌رێوبه‌رى نه‌خۆشخانه‌كانى خورماتوو به‌ SNNى راگه‌یاند: ته‌نها له‌ یه‌ك پشكنین له‌ سنوورى خورماتوو 26 كه‌س ئەنجامەکانیان پۆزەتیڤ گەڕاوەتەوە، ئه‌مه‌ش بۆ ناوچه‌كه‌ زۆره‌ كه‌ پێشتر هیچ حاڵه‌تێکى ئه‌وتۆ نه‌بووه‌ له‌ ناكاو ڕێژه‌كه‌ به‌و شێوه‌یه‌ زۆر بووه‌.

وتیشى: “هه‌وڵ ده‌ده‌ین له‌ رێگه‌ى تیمه‌كانمانه‌وه‌ له‌ نێو گه‌ڕه‌كه‌كان و به‌ تایبه‌تى ئه‌و شوێنانه‌ى تووشبوون زۆره‌ پشكنین بكەین، بۆ ئه‌وه‌ى له‌م ماوه‌یه‌ كه‌ قه‌ده‌غه‌ى هاتووچۆیه‌ كۆنترۆڵى بارودۆخه‌كه‌ بکرێت”.

تا ئێستا لە سنووری خورماتوو زیاتر لە 50 کەس تووسی کۆرۆنابوون، ئێوارەی ئەمڕۆش ئەنجامی پشکنینێکی دیکەی کۆرۆنا دەردەچێت و پێدەچێت ژمارەی تووشبووان لەو سنوورە بەرزبکاتەوە.

بەشی بکە لە
Previous Next
Close
Test Caption
Test Description goes like this