لەبارەی دەستگیرکردنی چەکدارانی حەشدی شەعبییەوە روونکردنەوە دەدرێت

0
431

SNN

فەرماندەیی ئۆپەراسیۆنە هاوبەشەکانی عێراق لە بارەی هەڵکوتانە سەر بارەگایەکی حەشدی شەعبی روونکردنەوە دەدات و دەڵێت: “ئەو چەکدارانە پلانیان هەبووە هێرش بکەنە سەر ناوچەی سەوز”.

 لە راگەیەندراوەکەدا کە ئەمڕۆ هەینی فەرماندەی ئۆپراسیۆنە هاوبەشەکانی عێراق بڵاویکردووەتەوە، ئەوە خراوەتەڕوو: “بە فەرمانی دادوەر 14 کەس لەلایەن هێزی دژە تیرۆرەوە دەستگیرکراون و پاشان رادەستی لایەنی پەیوەندیداریان کردون تاوەکو لێکۆڵینەوەی دادگا تەواو دەبێت”.

ئاماژەش بەوەکراوە: “زانیاریمان هەبووە کە ئەو کەسانە بەشداربوون لە هێرشی موشەکی بۆ سەر ناوچەی سەوز و جارێکی دیکە پلانیان هەبووە هێرش بکەنە سەر هەندێک دامەزراوەی حکومەت لە ناوچەی سەوز”.

دەشڵێت: “هەندێک لایەنی چەکدار کە نایانەوێت بێنە ژێر دەسەڵاتی فەرماندەی هێزە چەکدارەکان بە ئۆتۆمبێلی سەربازی و چەکەوە جوڵەیان بەرەو ناوچەی سەوزکردووە”.

ئەمەش دوای ئەوەدێت، شەوی رابردوو هێزێکی دژە تیرۆری عێراق هەڵیکوتایە سەر بارەگایەکی حزبوڵا و ژمارەیەک چەکداری دەستگیرکردن.

بەشی بکە لە
Previous Next
Close
Test Caption
Test Description goes like this