حەشدی شەعبی هەڕەشەی تۆڵەسەندنەوەی دەستگیرکردنی چەکدارەکانیان دەکات

0
407

SNN

گروپێکی سەر بە حەشدی شەعبی هەڕەشەی تۆڵەسەندنەوەی دەستگیرکردنی ئەندامانی کەتیبەی حزبوڵڵای کرد کە دوێنێ لە ئۆپەراسیۆنێکی هێزەکانی دژە تیرۆری عێراق لە باشووری بەغدای پایتەخت دەستگیرکران.

بزووتنەوەی ئەلئەبدال، یەکێکە لە گرووپەکانی سەربە حەشدی شەعبی لە راگەیەنراوێکدا نوسیویەتی: تۆڵەی دەستگیرکراوەکان دەکەنەوە، دەشڵێن “ئەوانەی کە شوێنی دوژمن کەوتوون، ئەو پێگانە بەسەرتاندا دەڕووخێنین کە ئەمریکا بۆی دروستکردوون، ئەوەش دەبینن کە دەیڵێین”.

هاوکات ئاماژەی بەوە کردووە: “سەرکەوتنەکانی حەشد، ئەمریکا و ئیسرائیلی تووشی شۆک کردووە، ئەو دوو وڵاتە نایانەوێت گەلی عێراق یەکگرتوو بێت. لەبەر ئەوە باڵەکانیان ئامادەکردووە بۆ لێدان لە هێزی حەشد”.

لە بەرەبەیانی هەینیدا هێزێكی سه‌ربه‌ دژه‌ تیرۆر هه‌ڵیكوتایە سه‌ر باره‌گایه‌كی سه‌ربه‌ کەتیبەکانی حزبوڵلای عێراق سەر بە حه‌شدی شه‌عبی، کە نزیکن له‌ ئێرانەوە، فەرماندەیی ئۆپراسیۆنە هاوبەشەکانی عێراقیش دواتر لە راگەیەندراوێکیدا وتی: “ئەو کەسانەی دەستگیرکراون پلانیان هەبووە هێرش بکەنە سەر ناوچەی سەوز هەروەک پێشتر دەستیان لە هێرشی مووشەکی سەر ئەو ناوچەیەدا هەبووە”.

شوناسی دەستگیرکراوەکان تا ئێستا ئاشکرا نەکراوە بەڵام دەوترێت چەند کەسێکیان فەرماندەی حەشدی شەعبی بووبن.

بەشی بکە لە
Previous Next
Close
Test Caption
Test Description goes like this