بڕیارى داخستنى ته‌واوى زاڵگه‌كانى سنوورى گه‌رمیان ده‌رچوو

0
154
قه‌زاى كه‌لار ناوه‌ندى ئیداره‌ى گه‌رمیان | فۆتۆ: SNN

SNN – سیروان حه‌سه‌ن

ئه‌مڕۆ شه‌ممه‌ ژوورى ئۆپراسیۆنه‌كانى ئیداره‌ى گه‌رمیان چه‌ند بڕیارێكى نوێى ده‌ركرد بڕیاریدا به‌ داخستنى ته‌واوه‌تی هه‌موو زاڵگه‌كانی سنووری ده‌ره‌وه‌ی ئیداره‌ی گه‌رمیان و درێژكردنه‌وه‌ى پشووى فه‌رمانگه‌كان تاوه‌كو 4ى ته‌موز،  داخستنى بازاڕ و شوێنكاره‌كان له‌ كاتژمێر 10:00ى شه‌و تاوه‌كو 6:00ى به‌یانى.

ده‌قى راگه‌یه‌نراوه‌كه‌

له‌پێناو ریگریكردن له‌ بڵاوبوونه‌وه‌ی زیاتری ڤایرۆسی كۆرۆنا ئەمڕۆ(27 ی 6) ژووری ئۆپه‌راسیۆنی ئیداره‌ی گه‌رمیان به‌ئاماده‌بوونی ئه‌ندامانی ژوره‌كه‌ كۆبونه‌وه‌یه‌كی ئه‌نجامداو چه‌ند بڕیارێكی نوێی ده‌ركرد:

یه‌كه‌م:داخستنی ته‌واوه‌تی هه‌موو زاڵگه‌كانی سنووری ده‌ره‌وه‌ی ئیداره‌ی گه‌رمیان(ئیداره‌ی گه‌رمیان ـ سلێمانی ـخورماتوو ـ خانه‌قین ـ جه‌له‌ولاـ سه‌نگاو) تاوه‌كو به‌رواری5ی 7 كاتژمێر 12ی شه‌و.
دووه‌م: به‌پێی ئه‌و ده‌سه‌ڵاته‌ی ئه‌نجومه‌نی وه‌زیران و وه‌زاره‌تی ناوخۆ به‌ئیداره‌ی گه‌رمیانی داوه‌ وه‌ له‌پێناو پاراستنی سه‌لامه‌تی ته‌ندروستی كارمه‌ندان و فه‌رمانبه‌ران له‌ داموده‌زگاكانی حكومه‌تدا پشووی فه‌رمی درێژده‌كریته‌وه‌ تا به‌رواری 4ی 7
جگه‌ له‌ دامه‌زراوه‌ ئه‌منییه‌كانی سه‌ربه‌وه‌زاره‌تی ناوخۆ و ته‌ندروستی و ئه‌و فه‌رمانگه‌و دامه‌زراوانه‌ی خزمه‌تگوزاری پێشكه‌ش به‌ هاووڵاتیان ده‌كه‌ن، ئه‌وانیش به‌پێ ی پێویستی فه‌رمانگه‌كانیان فه‌رمانبه‌راه‌كانیان له‌ئه‌ركدا ده‌بن.
سێیه‌م: له‌ماوه‌ی ڕاگه‌یاندراوی قه‌ده‌غه‌ی هاتووچۆدا بۆ ده‌ره‌وه‌ی شاره‌كان كارئاسانی بۆ جوتیاران ڕاپه‌ڕاندنی كاروباری كشتوكاڵی و کێڵگەکانیان‌ ده‌كریت به‌ومه‌رجه‌ی له‌ كاتژمێر 5ی به‌یانی بۆ 6ی ئێواره‌ كاتی ده‌رچوون و گه‌ڕانه‌وه‌یان بیت .

چواره‌م:داخستنی مه‌زادخانه‌كانی سنووری ئیداره‌ی گه‌رمیان(كه‌لارـ كفری).
پێنجه‌م:سه‌رجه‌م مزگه‌وته‌كان به‌داخراوی ده‌مێننه‌وه‌،هۆڵه‌كانی پرسه‌و ئاهه‌نگگێڕان و پاركه‌گه‌شتیارییه‌كان و ئه‌و شوێنانه‌ی كه‌ هاووڵاتیانی تێدا كۆده‌بێته‌وه‌ به‌قه‌ده‌غه‌كراوی ده‌مێننه‌وه‌.

پێنجه‌م:هه‌موو كۆڕو كۆبونه‌وه‌و رێپێوان و گردبوونه‌وه‌یه‌ك له‌پیناو هه‌رچیدا و بۆهه‌رمه‌به‌ستێك ریگه‌ پێدراو نیه،‌ له‌به‌رهۆكاری بڵاوبوونه‌وه‌ی ڤایرۆسی كۆرۆنا، داوامان وایه‌ هاووڵاتیانی خۆشه‌ویستی سنووره‌كه‌مان پابه‌ندبن پێیه‌وه‌، ئه‌م بڕیاره‌ له‌به‌ر به‌رژه‌وه‌ندی گشتیه‌ و داواده‌كه‌ین هیچ لێكدانه‌وه‌یه‌كی دیكه‌ی بۆنه‌كریت.

شه‌شه‌م:جه‌خت ده‌كه‌ینه‌وه‌ له‌ داخستنی مه‌له‌وانگه‌و هۆله‌كانی له‌شجوانی و كافتریا و نێرگه‌له‌خانه‌كان و هۆله‌كانی بلیارد و شوینی یاریكردنی منداڵان(هۆله‌داخراوه‌كان و كراوه‌كان).

حه‌وته‌م: بازاڕ و چاخانه‌و چێشتخانه‌و له‌فه‌فرۆش و شیرینیخانه‌و شوێنكاری سارده‌مه‌نییه‌كان له‌كاتژمێر 10ی شه‌وه‌وه‌ داده‌خرین تا 6ی به‌یانی وه‌له‌كاتی كاركردنیشدا پێویسته‌
كورسی و مێز به‌کارنە‌هێنن به‌ڵكو ته‌نها ده‌بێت به‌سه‌فه‌ری كاربكه‌ن.

هه‌شته‌م: جه‌خت ده‌كه‌ینه‌وه‌ له‌ رێگریكردن له‌ هه‌ر بۆنه‌یه‌كی كۆمه‌ڵایه‌تی له‌نێوماڵان و نێو باخ و گه‌ره‌كه‌كاندا داواكارین له‌به‌ر سه‌لامه‌تی خۆتان و خانه‌واده‌كانتان پابه‌ندبن پێیه‌وه‌ چونكه‌ مه‌ترسی ڤایرۆسه‌كه‌ بڵاوه‌و نابێت زه‌مینه‌ سازی زیاتر بۆ بڵاوكردنه‌وه‌ی بكریت.

نۆیه‌م: عیاده‌ پزیشكییه‌كان و نۆرینگه‌كان و ده‌رمانخانه‌كانی لاكۆڵان و سه‌رتاشخانه‌ و سه‌نته‌رەکانی جوانکاری و ئارایشتگاكان ڕیوشوێنی توندی خۆپارێزی جێبه‌جێبكه‌ن، به‌ پێچه‌وانه‌ و سزاده‌درین و داده‌خرێن.

ده‌یه‌م: مینی پاس و تاكسی و هۆكاره‌كانی دیكه‌ی گواستنه‌وه‌ی نێوخۆی ریكاره‌كانی خۆپاریزی جێبه‌جێبكه‌ن به‌پێچه‌وانه‌وه‌ ئۆتۆمبیله‌كانیان ده‌ستی به‌سه‌ردا ده‌گیرێت.

یانزه‌یه‌م: له‌سه‌روبه‌ندی دابه‌شكردنی مووچه‌ی فه‌رمانبه‌راندا پێویسته‌ سه‌رجه‌م بانكه‌كانی سنووره‌كه‌مان پلان و به‌رنامه‌ی تایبه‌تیان هه‌بیت بۆ جێبه‌جێكردنی ڕینماییه‌ ته‌ندروستییه‌كان ڕێگیركردن له‌ قه‌ره‌باڵه‌غی.

دوانزه‌یه‌م: ژووری ئۆپه‌راسیۆنی ئیداره‌ی گه‌رمیان ده‌سه‌ڵاتی ته‌واو ده‌داته‌ قائیمقامه‌كان بۆریكخستنه‌وه‌ی كاروباری هاووڵاتیان و جێبه‌جێكردنی بڕیاره‌كان له‌ڕیگای لیژنه‌ هاوبه‌شه‌كانی قائیمقامیه‌ته‌كان به‌هاوكاری و هه‌ماهه‌نگی هێزه‌ئه‌منییه‌كان.

بەشی بکە لە
Previous Next
Close
Test Caption
Test Description goes like this