فەرماندەی گشتی هێزە چەکدارەکانی عێراق: چیتر رێگە بە موشەکبارانی ناوچەی سەوز نادەین

0
490
دژە تیرۆری عێراق

SNN

وتەبێژی فەرماندەی گشتی هێزە چەکدارەکانی عێراق جەختی لەوە کردەوە کە رێگە نادەن جارێکی دیکە ناوچەی سەوز بکرێتەوە ئامانج.

عەمید یەحیا رەسول لە لێدوانێکیدا بۆ ئاژانسی ئەنادۆڵوی تورکی زانیاری وردتری لەبارەی ئەو 14 کەسەی حەشدی شەعبی خستەڕوو کە لە میانی ئۆپراسیۆنێکی دژە تیرۆردا دەستگیرکرابوون و رایگەیاند: “لەو ئۆپەراسیۆنەی هێزەکانی دژە تیرۆر ئەنجامیدابوو دەستیشگیراوە بەسەر سەکۆی مووشەک بۆ کردنە ئامانجی ناوچەی سەوز، ئەوە گەڕانەوەی شکۆ بوو بۆ دەوڵەت”.

یەحیا رەسول روونیکردەوە کە لێکۆڵینەوە لە دەستگیرکراوەکان بەردەوامە و جەختی لەوەشکردەوە کە رێگەنادەن جارێکی دیکە ناوچەی سەوز بکرێتەوە ئامانج.

لەلایەکی دیکەوە، دەستەی حەشدی شەعبی ئازادکردنی ئەو 14 گیراوەی ئەندامانی حزبوڵڵای رەتکردەوە، ئەمەش دوای ئەوە هات کە لە راپۆرتی رۆژنامەکانی ناوخۆی و نێودەوڵەتی ئاماژە بە ئازادکردنی ئەو گیراوانە درابوو.

بەرپرسی راگەیاندنی کارگێری ناوەندی حەشدی شەعبی، موئەید ساعدی وتوویەتی: “ئەو 14 دەستگیرکراوە لەلایەن فەرماندەیی ئۆپەراسیۆنە هاوبەشەکان رادەستی ئاسایشی حەشد کراون، لە ئێستادا دەستبەسەرن و ئازادنەکراون”.

ساعدی روونیکردەوە کە وێنەی رادەستکردنی گیراوەکان لەلایەن فەرماندەیی ئۆپەراسیۆنە هاوبەشەکان بە ئاسایشی حەشد کەسانێک وا لێکیانداوەتەوە کە ئەوانە ئازادکراون، ئەمەش راست نییە و جەختی لەوە کردەوە کە ئەو گیراوانە ئازاد ناکرێن تاوەکو لێکۆڵینەوە لەگەڵیاندا تەواو نەکرێت.

بەشی بکە لە
Previous Next
Close
Test Caption
Test Description goes like this