پێنج راهێنه‌ری كاراتیی كه‌ركوك به‌شداری خولێكی راهێنانی ئۆنلاینی كاراتی عه‌ره‌بی  ده‌كه‌ن

0
272
دوو راهێنەری بەشداربوو

SNN Sport – حسێن كه‌ركوكی

 

پێنج راهێنه‌ری كاراتیی شاری كه‌رکوك به‌شدارییان له‌ خولێكی راهێنان كرد كه‌ به‌ شێوه‌یه‌كی ئۆنلاین به‌رێوه‌چوو.

 

عومه‌ر عه‌لی حسێن راهێنه‌ری هه‌ڵبژارده‌ی  كاراتیی كه‌ركوك و به‌شداربوو له‌ خوله‌كه‌ سه‌باره‌ت به‌ به‌شداربووان و خوله‌كه‌ بە  SNN Sport ی راگەیاند: خوله‌كه‌ له‌ لایه‌ن یه‌كێتی كاراتیی عه‌ره‌به‌وه‌  به‌ شێوازی ئۆنلاین  كه‌ له‌ رۆژانی 14 بۆ 18 /6/2020 تایبه‌ت به‌ كاراتیی جۆری كاتا و له‌ رۆژانی 19-21/6 تایبه‌ت به‌ جۆری كۆمێتی به‌رێوه‌چوو “.

وتیشی ” خوله‌كه‌ نزیكه‌ی 1600 راهێنه‌ر له‌ هه‌موو وڵاتانی عه‌ره‌ب به‌شداریان تێدا كردبوو، له‌ شاری كه‌ركوك پێنج راهێنه‌ر به‌شدارییان تێدا كرد كه‌ بریتی بوون له‌ ” عومه‌ر عه‌لی ، محه‌مه‌د قاسم ، ماجید خیرالله ، كارزان عه‌لی و رزگار جه‌بار “.

هه‌روه‌ها وتیشی” وانه‌كان كه‌ به‌ شێوه‌ی ئۆنلاین پێشكه‌شده‌كران، بریتی بوون له‌ وانه‌ی پراكتیكی و تیۆری و له‌ كۆتایشدا تاقیکردنه‌وه‌ بۆ به‌شداربووان ئه‌نجامدرا “.

عومه‌ر عه‌لی له‌ كۆتایی لێدوانه‌كه‌یدا ناوی وانه‌ بێژه‌كانی خوله‌كه‌ی خسته‌روو کە پێكهاتبوون له‌ راهێنه‌رانی چه‌ند هه‌ڵبژارده‌یه‌كی وڵاتانی عه‌ره‌بی وه‌كو ” د ره‌زا یوسف ، د. عه‌بدول فه‌تاح نه‌جار ، عه‌لی زه‌هراوی ، محه‌مه‌د ئیبراهیم).

 

بەشی بکە لە
Previous Next
Close
Test Caption
Test Description goes like this