ئەمڕۆ پەرلەمانی کوردستان کۆدەبێتەوە

0
232

SNN

بڕیارە ئەمڕۆ پەرلەمانی کوردستان دانیشتنی ئاسایی خۆی دەستپێبکاتەوە، ئەوەش لەدوای تەواوبوونی ئەو 14 رۆژەی بۆ کەرەنتینەکردن و وەستاندنی کارەکانی پەرلەمان دیاریکرابوو.

بە گوێرەی بەرنامەی کاری پەرلەمان، کە واژووی سەرۆکایەتی پەرلەمانی لەسەرە، کارنامەی دانیشتنەکەی ئەمڕۆ لە دوو بڕگە پێکهاتووە کە یەکێکیان تایبەتە بەو پێشنیازە بڕیارانەی کە پێشکەشی پەرلەمان کراون تا بخرێنە بەرنامەی کاری پەرلەمانەوە.

بە گوێرەی ئەو زانیاریانەی دەست SNN کەوتوون، زیاتر لە 20 پێشنیازە بڕیار هەیە کە داوا دەکرێت بخرێتە بەرنامەی کاری دانیشتنەکانی داهاتووی پەرلەمانەوە.

بڕگەی دووەمی دانیشتنەکەی پەرلەمان تایبەت دەبێت بە دەنگدان لەسەر درێژکردنەوەی خولی یاسادانانی پەرلەمان، لێرەشدا دەنگ دەدرێت لەسەر کەمکردنەوەی چەند دانیشتنێکی پەرلەمان لە ماوەی مانگی تەمووز تا ئەیلولی داهاتوو.

ڕۆژی 10ـی حوزەیران، بڕیار بوو كۆبوونەوەی سەرۆكایەتی پەرلەمان و سەرۆك فراكسیۆنەكان بەڕێوە بچێت، بەڵام بەهۆی بڵاوبوونەوەی ڤایرۆسی كۆرۆنا، سەرجەم كارەكان وەستان و پشكنینی گشتی بۆ پەرلەمانتاران و فەرمانبەران كرا و تووشبوونی پەرلەمانتارێك و چەند فەرمانبەرێك بەو ڤایرۆسە ڕاگەیەنرا.

بەشی بکە لە
Previous Next
Close
Test Caption
Test Description goes like this