روحانی: ئێران قورسترین ساڵ بەڕێدەکات

0
160

SNN

سەرۆکی ئێران رایگەیاند، بەهۆی سزاکانی ئەمریکا و بڵاوبوونەوەی پەتای کۆرۆنا، ئێران قورسترین ساڵ بەڕێدەکات.

حەسەن روحانی لە کەناڵی فەرمی وڵاتەکەیەوە رایگەیاندووە: “فشار و سزاکانی ئەمریکا بۆ سەر ئێران کە لە ساڵی 2018 ەوە دەستیان پێکردووە زیادیانکردووە، ئێستاش فشارەکان لە قورسترین ئاستیدایە”.

روحانی باسی لەوەشکرد، لە دوو هەفتەی داهاتوودا رێکارەکانی خۆپارێزی لە ئێران توندتردەکەنەوە و پۆشینی دەمامک دەکرێتە بڕیار و دەبێت هەموو هاووڵاتییەک پێوەی پابەندبێت.

وتیشی: لە چوارچێوەی رێکارەکاندا، گردبوونەوە و دروستکردنی قەرەباڵغی لە هەندێک لە ناوچەکان قەدەغەدەکرێت.

لە ئێران زیاتر لە 200 هەزار کەس تووشی کۆرۆنا بوون و زیاتر لە 10 هەزار کەسیش بەوهۆیەوە گیانیان لەدەستداوە، پەتای کۆرۆنا زیانێکی زۆری بە ئابووری ئێران گەیاندووە، هاوکات لەگەڵ سزاکانی ئەمریکادا چارەنووسی ئەو وڵاتەی خستووەتە مەترسییەوە.

بەشی بکە لە
Previous Next
Close
Test Caption
Test Description goes like this