نزیکەی حەوت ملیار دۆلار بۆ بەرەنگاربوونەوەی کۆرۆنا کۆکرایەوە

0
372

SNN

وڵاتانی ئەوروپا لە کۆبوونەوەیەکی باڵایاندا، نزیکەی حەوت ملیار دۆلاریان بۆ بەرەنگاربوونەوەی پەتای کۆرۆنا لە جیهاندا کۆکردەوە.

لە کۆبوونەوەکەدا کە حکومەتی 40 وڵاتی جیهان تیایدا بەشداربوون، شەش ملیار و 900 دۆلار بۆ دۆزینەوە و بەرهەمهێنانی پێکوتەی دژ بە ڤایرۆسی کۆرۆنا و دۆزینەوەی چارەسەری ئەو نەخۆشییە کۆکرایەوە.

ئورسولا ڤۆن دێرلاین سەرۆکی کۆمسیۆنی یەکێتی ئەوروپا خۆشحاڵی خۆی سەبارەت بە کۆکردنەوەی ئەو بودجە تایبەتە دەربڕی و لە پەیامێکی ڤیدیۆییدا رایگەیاند: “دابینکردنی بودجەکە یەکگرتوویی گەل و حکومەت و دام و دەزگا تەندروستییەکانی ئەوروپای نیشاندا”.

ئەمە لەکاتێکدایە تا ئێستا هەوڵی زانایانی چەندین وڵات بۆ دروستکردن و بەرهەمهێنانی پێکوتە و چارەسەری نەخۆشی کۆرۆنا بەردەوامە و لە چەند وڵاتێکیش تاقیکردنەوەکان لەسەر ئەو پێکوتە و دەرمانانە لە قۆناغێکی پێشکەوتوودان.

بەشی بکە لە
Previous Next
Close
Test Caption
Test Description goes like this