نەیمار بە 164 ملیۆن یۆرۆ دەتوانێت پەیوەندی بە بەرشەلۆنەوە بکات

0
319
نەیمار

نرخی نەیمار لە بازاڕی گواستنەوەکانی هاوینەی داهاتوو بە رێژەیەکی بەرچاو دێتە خوارەوەو ئەو یاریزانە بە بەراورد بە وەرزی رابردوو نرخی زۆر کەم دەبێتەوە.

نەیمار لە هاوینی رابردوو پێداگربوو بۆ ئەوەی بگەڕێتەوە بۆ یانەی بەرشەلۆنە، بەڵام یانەی پاریس سانجێرمان نرخی 250 ملیۆن یۆرۆی لەسەر داناو ئەوەش وای لە یانەی بەرشەلۆنە کرد لە گەڕانەوەی ئەو یاریزانە بکشێتەوە.

فاگنەر ریبێری بریکاری پێشووی نەیمار دا سێلڤای بەرازیلی لە نوێترین لێدوانیدا لەسەر نرخی ئەو یاریزانە قسەی بۆ تۆڕی هەواڵی ” ESPN” دەکات و دەڵێت” لە گواستنەوەکانی هاوینەی داهاتوو یەکێتی تۆپی پێی نێودەوڵەتی فیفا نرخی نەیمار دا سێلڤا دیاری دەکات کە 164ملیۆن یۆرۆ-یە، ئەمەش بەهۆی ئەوەی ئەو یاریزانە نزیکبووەتەوە لە تەواوبوونی گرێبەستەکەی لەگەڵ یانەی پاریس سانجێرمان”.

نەیمار لە گواستنەوەکانی هاوینەی ساڵی 2017 لە گرێبەستێکی چاوەڕوان نەکراودا بە بڕی 220 ملیۆن یۆرۆ یانەی بەرشەلۆنەی بەرەو پاریس سانجێرمان جێهێشت، دواتر لە رێگەی هاوڕێکانییەوە پەشیمانبوونەوەی خۆی لە جێهێشتنی یانە کەتەلۆنیەکە راگەیاندبوو.

بەشی بکە لە
Previous Next
Close
Test Caption
Test Description goes like this