به‌ڕێوه‌به‌رى نه‌خۆشخانه‌ى كۆرۆنا و 65 پزیشك و كارمه‌ند له‌ گه‌رمیان تووشى كۆرۆنا‌ بوون

0
364
نه‌خۆشخانه‌ى قه‌ڵا تایبه‌ت به‌ كۆرۆنا له‌ گه‌رمیان | فۆتۆ: SNN

SNN – سیروان حه‌سه‌ن
له‌ سنوورى گه‌رمیان تاوه‌كو ئێستا 713 هاووڵاتی تووشى ڤایرۆسی كۆرۆنا بوون كه‌ زۆرینه‌یان خه‌ڵكى كه‌لارن و له‌ نێویشياندا به‌ڕێوه‌به‌رى نه‌خۆشخانه‌ى كۆرۆنا و 64 پزیشك و كارمه‌ندى دیكه‌ى ته‌ندروستى هه‌یه‌.

وریا محه‌مه‌د، به‌ڕێوه‌به‌رى نه‌خۆشخانه‌ى قه‌ڵاى تایبه‌ت به‌ كۆرۆنا له‌ كه‌لار به‌ (SNN)ى راگه‌یاند: “تاوه‌كو ئێستا له‌ سنوورى گه‌رمیان 65 كارمه‌ند و پزیشك تووشى ڤایرۆسی كۆرۆنا بوون”.

وتیشى: “به‌نده‌ یه‌كێكم له‌وانه‌ى تووشى ڤایرۆسه‌كه‌ بووم ئێستا له‌ قۆناغى كۆتایى تێپه‌ڕاندنى كۆرۆنام، تووشبوونی ئه‌و كارمه‌ندانه‌ش په‌یوه‌ندى به‌وه‌وه‌ هه‌یه‌ كه‌ له‌ نزیكه‌وه‌ له‌گه‌ڵ تووشبووان بوون به‌ مه‌به‌ستى چاره‌سه‌ركردنیان”.

به‌پێى ئاماره‌كانى وه‌زاره‌تى ته‌ندروستیى هه‌رێم، “له‌ سنوورى گه‌رمیان تاوه‌كو ئێستا 713 هاووڵاتى تووشى كۆرۆنا بوون، له‌و رێژه‌یه‌ش 153 كه‌سیان چاكبوونه‌ته‌وه‌ و 13 هاووڵاتیش گیانیان له‌ ده‌ستداوه‌”.

بەشی بکە لە
Previous Next
Close
Test Caption
Test Description goes like this