ئینتەرپۆڵ رەتیدەکاتەوە لەسەر داوای ئێران ترەمپ دەستگیربکات

0
649

SNN

پۆلیسی ئینتەرپۆڵ داوایەکی ئێرانی سەبارەت بە دەستگیرکردنی دۆناڵد ترەمپ سەرۆکی ئەمریکا رەتکردەوە.

دوای ئەوەی ئێران داوای لە پۆلیسی ئینتەرپۆڵ کرد، دۆناڵد ترەمپ دەستگیربکات، ئەو دەزگایە کۆبوونەوەیەکی ئەنجامدا و لە دوای کۆبوونەوەکەش لە راگەیەندراوێکدا بڵاویکردەوە، بەهۆی تێکەڵکردنی ئەم دۆسیە بە بابەتی سیاسیی، داوای دەستگیرکردنی دۆناڵد ترەمپ سەرۆکی ئەمریکا رەتدەکەنەوە و جێبەجێی ناکەن.

لەلایەکی دیکەوە برایان هوک نوێ نوێنەری ئەمریکا بۆ کاروباری ئێران، لەبارەی بڕیاری دەستگیرکردنی ترەمپەوە وتی: “ئەو بڕیارە تەنیا پروپاگەندەیەکە و هیچ کەسێک بە جدی وەریناگرێت”.

هوک وتیشی: “فەرمانەکە هیچ مەترسییەک بۆ سەر ئاسایشی نیشتمانی ئەمریکا دروستناکات و تەنها هەنگاوێکی سیاسییە کە نراوە”.

دوێنێ بەرپرسانی دادوەریی ئێران بۆ بەدواداچوونی دۆسیەی کوشتنی قاسم سولەیمانی فەرماندەی فەیلەقی قودسی سەر بە سوپای پاسدارانی ئێران کۆبوونەوە.

عەلی ئەلقاسی مێهر دادوەری گشتیی شاری تاران وتی: 36 کەس لەوانەی لە کوشتنی قاسم سولەیمانی تێوەگلاون و دەستیان هەبووە ناسراونەتەوە، کە لە ناویاندا بەرپرسانی سیاسی و سەربازیی ئەمریکا و وڵاتانی دیکەش بوونیان هەیە.

باسی لەوەش کرد، لەلایەن دەسەڵاتی دادوەریی وڵاتەکەیەوە فەرمانی دەستگیرکردن بۆ ئەو کەسانە دەرچووە و یەکێک لەوانەش دۆناڵد ترەمپە و داواکەشیان ئاڕاستەی پۆلیسی ئینتەرپۆڵ کردووە.

بەشی بکە لە
Previous Next
Close
Test Caption
Test Description goes like this