“پەتای کۆرۆنا زیانێکی گەورە بە ئابووری جیهان دەگەیەنێت”

0
212

SNN

سندوقی دراوی نێودەوڵەتی رایگەیاند: بەهۆی پەتای کۆرۆنا و لێکەوتەکانیەوە، ئابووری جیهان زیاتر لەوەی کە خەمڵێندرابوو پاشەکشە دەکات.

بە گوێرەی راپۆرتێکی سندوقی دراوی نێودەوڵەتی کە ئاژانسی هەواڵی رۆیتەرز بڵاویکردووەتەوە، بە گوێرەی خەمڵاندنێک ئابووری جیهان بە رێژەی 4.9% پاشەکشە دەکات.

سندوقی دراوی نێودەوڵەتی رایگەیاندووە: بە گوێرەی ئەو ئامار و زانیارییانەی کە تازە بەدەستیان گەیشتووە، زیانەکانی پەتای کۆرۆنا لەسەر ئابووری جیهان لە ئەمساڵ و ساڵێکی دیکەشدا زیاترن.

ئەوەشی خستووەتەڕوو: پێشبینی دەکرێت ساڵی داهاتوو ئابووری جیهان بە خاوی دەست بە بوژاندنەوە بکات بە جۆرێک تێکڕا گەشەی ئابووری لە جیهاندا بگاتە 5.4%.

لە راپۆرتەکەدا قەبارەی ئەو زیانانە بە پێی وڵاتان دیاریکراوە و ئەمریکا و وڵاتانی ئەوروپا و ئەمریکای لاتین لە نێو ئەو وڵاتانەدان کە زیانێکی ئابووری زۆریان پێدەکەوێت.

ئەمە لەکاتێکدایە لە راپۆرتی پێشتری سندوقی دراوی نێودەوڵەتیدا بڵاوکرابووەوە، پێشبینی دەکرێت ئابووری جیهان بە رێژەی 3% پاشەکشە بکات و گەشەی ئابووریش ساڵی داهاتوو بگاتە 5.8% بەڵام بە تێپەڕبوونی کات و دەرکەوتنی کاریگەرییەکانی کۆرۆنا لەسەر جیهان ئەو پێشبینییانە رەتکرانەوە.

بەشی بکە لە
Previous Next
Close
Test Caption
Test Description goes like this