لەگەڵ هاتنی وەرزی گەرما چەند گەڕەکێکی هەولێر تووشی گرفتی بێ ئاوی دەبن

0
245

SNN- مەودا مستەفا

دانیشتووانی ژماریەك گەرەكی سنوری پارێزگای هەولێر بەهۆی بێ ئاوی ماوەی چەند رۆژێكە دەناڵێنن، بۆ پركردنی هەر تاكیەكیش دەبێت بڕی 10 هەزار دینار بدەنە خاوەن تانكەر، بەڕێوەبەری گشتی دابەشكردنی ئاوی هەولێریش دەڵێت كێشەی كەمبوونەوەی ئاو پەیوەندی بەكەمبوونەوەی پێدانی كاتژمێرەكانی كارەبای نیشتیمانی هەیە.

محەمەد عەزیز دانیشتووی گەرەكەی 5 حەسارۆكە لەهەولێر بە SNNی رایگەیاند : ئێمە هەموو ساڵێك لەو كاتەدا كێشەی ئاومان بۆ دروستدەبێت، هەرچەندە كێشەی ئاوامان بۆ دروست دەبێت، ناچارین ئاو بە پارە بكرین و بۆ هەر تاكیەك ئاویش 10 هەزار دینار دەدەین.

سەعید فیسەڵ دانیشتووی گەرەگی رۆشنبیری لە شاری هەولێر دەڵێت ئێستا دۆخەكە كەمێك بارشترە بەڵام مانگێك پێش ئێستا ژیانمان تەواو ناخۆشبوو بێ ئاوا دەبوو شەوانە بە دیار ئاوەوە دادەنیشتین و جاری واش هەبوو 5 رۆژ بۆ 6 رۆژ بێ ئاو دەبووین ، بۆیە داوا دەكەین كێشەی كەمی ئاومان بۆ چارەسەر بكەن .

لای خۆشیەوە ئاری ئەحمەد بەڕێوەبەری دابەشكردنی ئاوی هەولێر بەSNNی راگەیاند: هۆكاری لەناكاوی درووست بوونی كێشەی كەمی ئاو كە رووبەڕوومان بۆتەوە ماوەی شەش رۆژە ژمارەی كاتژمێرەكانی پێدانی كارەبای نیشتیمانی كەمی كردووە، بەهۆی ئەوەی 40% تا 45% ئەو ئاوەی ئێمە دابینی دەكەین لە رێگەی بیرەكان، بیرەكانیش ژمارەیان 1160 بیرە لەو ژمارەیە 700 تا 750 بیر یەك سەرچاوەی كارەبای هەیە ئەویش سەرچاوەی كارەبای ماڵانە بۆیە دەتوانین بلێین 18% تا 20% ئەو ئاوەی دابینمان دەكرد لەناكاو لەدەستماندا .

راشیگەیاند: ئەوەی لە توانای ئێمەیە لە ساڵانی رابردوو 250 تا 270 بیرمان كردۆتە دوو سەرچاوەی كارەبا، سەرچاوە بەردەوامەكان لەگەل سەرچاوەی فەرمانگەكان، جگە لەوەش سەرچاوەی بە نۆرە هەبووە، زیاتر لە 90 بیریش مۆلیدەی لەسەر و گازیان بۆ دابین كراوە، جگە لەوانەش پێدانی ئاو بە نۆرەمان دروست كردووە، چونكە لە زستان بەهۆی ئاو كەم بەكاردەهێنرێت تۆڕەكان دەكرێنەوە و پێدانی ئاو بە نۆرە لادەبردرێت و بە 24 كاتژمێری ئاویان بۆ دەڕوات .

پەیامنێری SNN لە شاری هەولێر پەیوەندی كرد بە حوسێن حەمەد قادر بەڕێوەبەری گشتی كارەبای هەولێر بەڵام پەیوەندیەكە بەردەست نەبوو لە دواین راگەیەندراوی وەزارەتی كارەبای حكومەتی هەرێمی كوردستاندا هاتووە ” هاوبەشانی كارەبا ئاگادار دەكەینەوە كە بەهۆی قەیرانی دارایی و نەبوونی سوتەمەنی و ئەنجامدانی چاكسازیی لە چەند یەكەیەكی وێستگەكانی غازی هەولێرو چەمچەماڵ و راوەستانی وێستگەی كارەبای خەبات بەهۆی كۆرۆناوە كە ستافی كۆمپانیاكە نەیانتوانیوە لە وڵاتی كۆریاوە بگەڕێنەوە هەرێمی كوردستان، بەمەش ئاستی بەرهەمهێنانی كارەبا بۆ 2500 مێگاوات كارەبا كەم بووەتەوە.

وتیشی” ئەمە لەكاتێكدا پێشتر توانای بەرهەمهێنانی كارەبا 3200 مێگاوات بووە، كەمبوونەوەی بەرهەمهێنانی كارەبا هاوكاتە لەگەڵ هەڵكشانی خواست لەسەر كارەبا ، هەموو ئەم هۆكارانە كاریگەریی لەسەر كەمبوونەوەی ماوەكانی پێدانی كارەبا دەبێت. وەزارەتی كارەبا لەگەڵ ئەنجومەنی وەزیران لەسەر هێڵە بۆ چارەسەركردنی كێشەكان”.

بە پێی زانیارەكانی SNN ماوی چوار ڕۆژە هەریەكە لە گەرەكەكانی 5 حەسارۆك و فەرمانبەرانی یەك و دوو و گەرەكی ژیان و دارەتووی نوێ و قەڵاتی نوێ و شیراتۆن و تەعجیلی نوێ و رۆشنبیری تووشی كێشەی كەم ئاوی بوونەتەوە .

بەشی بکە لە
Previous Next
Close
Test Caption
Test Description goes like this