“گه‌رمیان له‌ 100 كه‌س 33 كه‌سى كۆرۆنای هه‌یه”‌

0
456

SNN- سیروان حه‌سه‌ن

به‌پێى وته‌ى به‌رێوه‌به‌رى گشتى ته‌ندروستى گه‌رمیان ڕۆژانه‌ 33 له‌ سه‌دى پشكنینه‌كان هه‌ڵگرى ڤایرۆسی كۆرۆنان و پارێزگاى سلێمانیش سێیه‌م پارێزگاى عێراقه‌ له‌ تووشبوون به‌ كۆرۆنا.

د. سیروان محه‌مه‌د به‌رێوه‌به‌رى گشتى ته‌ندروستى گه‌رمیان له‌ هه‌ژمارى خۆى له‌ فه‌یسبووك بڵاویكردووه‌ته‌وه‌، پارێزگای سلێمانی بە ئیدارەکانی گەرمیان و راپەرینەوە سێیەم پارێزگای عێراقە بۆ تووشبوون بە کۆڤید-19 و له‌ ئێستادا له‌ گه‌رمیان ژمارەی تووشبووانمان رۆژانە 33 له‌ سه‌دى پشکنینەکانە.

ئه‌وه‌شى خستوه‌ته‌ڕوو، بە پێی لێکدانەوەی ئامارەکان مەزەندە دەکەین 45 هه‌زار تووشبوو هەبێت لە ئیدارەی گەرمیان و له‌ گه‌ڵ ئه‌وه‌شدا تا ئێستا خۆپارێزی لاوازەو قەرەباڵەغی بازاڕ و ژیانی رۆژانە وەک پێش کۆرۆنایە، بۆیە پێشبینی هەڵکشانی زیاتر دەکەین لە تووشبووان.

د. سیروان راشیگه‌یاندووه‌، ماوەی سێ ڕۆژە تەنها یه‌ك حاڵه‌تى مردن به‌ كۆرۆنا له‌ گه‌رمیان هەبووە و تیمەکانمان ماندوو نەناسانە کاردەکەن و ئێستاش هه‌ردوو به‌ڕێوه‌به‌رى خۆپارستنى گه‌رمیان بەڕێوەبەری نه‌خۆشخانه‌ى قەڵا تووشبووی کۆرۆنان.

بەشی بکە لە
Previous Next
Close
Test Caption
Test Description goes like this