تووشبوویەکی تەمەن 17 ساڵ لە چەمچەماڵ بە کۆرۆنا گیانیلەدەستدا

0
413
گیانله‌ده‌ستدان به‌ ڤایرۆسى كۆرۆنا | فۆتۆ: SNN

SNN-هه‌وراز ئه‌حمه‌د
ئێواره‌ى ئه‌مڕۆ له‌ یه‌كێك له‌ نه‌خۆشخانه‌كانى قه‌زاى چه‌مچه‌ماڵ گه‌نجێكى ته‌مه‌ن 17 ساڵ گیانیله‌ده‌ستدا، به‌ڕێوەبه‌رى ته‌ندروستى چه‌مچه‌ماڵیش ده‌ڵێت ئه‌و نه‌خۆشه‌ بۆ چه‌ند كاتژمێرێك هاتۆته‌ نه‌خۆشخانه‌كه‌ دواى پشكنین به‌ كه‌سوكاره‌كه‌یمان وتوه‌ كه‌ هیواى مانه‌وه‌ى له‌ ژیان كه‌مه‌.

د.فه‌رهاد محه‌مه‌د، به‌ڕێوبه‌رى ته‌ندروستى چه‌مچه‌ماڵ به‌ snnى راگه‌یاند :” ئه‌و گه‌نجه‌ خه‌ڵكى چه‌مچه‌ماڵه‌ و چه‌ند رۆژێكه‌ تووشى كۆرۆنابووه‌ و پێشتر له‌ نه‌خۆشخانه‌ى سه‌رچنار خه‌وێنراوه‌ له‌ شارى سلێمانى، پاش ئه‌وه‌ى ئه‌مڕۆ هێنرایه‌ لاى ئێمه‌ له‌ چه‌مچه‌ماڵ دۆخى به‌ته‌واوه‌تى تێكچووبوو پاش ئه‌وه‌ى پشكنینى پێویستى بۆ كرا به‌ كه‌سوكاره‌كه‌ى وترا هیواى مانه‌وه‌ى له‌ ژیان كه‌مه‌”.

وتیشى “ئه‌و گه‌نجه‌ نه‌خۆشى شه‌كرى جۆرى یه‌كى له‌گه‌ڵدابووه‌، به‌رگرى له‌شى زۆر لاواز بووه‌ به‌ هۆى شه‌كره‌كه‌یه‌وه‌ بۆیه‌ كۆرۆناش زۆر كارى تێكردبوو، پاش گیانلەدەستدانی ته‌رمه‌كه‌ى له‌لایه‌ن تیمى تایبه‌ته‌وه‌ كه‌ به‌خاك سپێردراوه‌”.

ئاماژه‌ى به‌وه‌ش كرد” نه‌خۆشخانه‌ى تایبه‌ت به‌ كۆرۆنا له‌ قه‌زاى چه‌مچه‌ماڵ به‌ستاف و ئامێرى تایبه‌ته‌وه‌ به‌رده‌وام له‌ خزمه‌تى هاووڵاتیاندایه‌ و 10 ئامێرى هه‌ناسه‌دانى ده‌ستكردمان هه‌یه‌و ئە‌و نه‌خۆشه‌ش هه‌موو كارێكى پزیشكى بۆ كراوه‌”.

بەشی بکە لە
Previous Next
Close
Test Caption
Test Description goes like this