له‌سه‌ر پێكهێنانى لیژنه‌یه‌ك له ‌لایه‌ن وه‌زاره‌تى داراییه‌وه‌ فه‌رمانبه‌رانى مه‌رزى په‌روێزخان مانیانگرت

0
729
ده‌روازه‌ى نێوده‌وڵه‌تى په‌روێزخان | فۆتۆ: SNN

SNN – سیروان حه‌سه‌ن

فه‌رمانبه‌رانى مه‌رزى په‌روێزخان مانگرتنیان له‌ ده‌وام راگه‌یاند به‌ مه‌به‌ستى راگرتنى كاره‌كانى ئه‌و لیژنه‌یه‌ى وه‌زاره‌تى دارایی له‌سه‌ر به‌ڕێوه‌به‌رى ئه‌و مه‌رزه‌ پێكیهێناوه‌، چونكه‌ پێیانوایه‌ بڕیاره‌كه‌ نادروسته‌.

وه‌زاره‌تى دارایی و ئابوورى حكومه‌تى هه‌رێمى كوردستان لیژنه‌یه‌كى پێكهێناوه‌ به‌ مه‌به‌ستى به‌دواداچوون له‌سه‌ر دۆسیه‌یه‌ك له‌ناو مه‌رزه‌كه‌دا و لیژنه‌كه‌ به‌دواداچوون بۆ ئه‌و دۆسیه‌یه‌ و په‌یوه‌ندى به‌ به‌ڕێوه‌به‌رى مه‌رزه‌كه‌وه‌ ده‌كات.

به‌پێى به‌دواداچوونه‌كانى (SNN) كه‌ زانیارییه‌كانى ناوى له‌ مه‌رزه‌كه‌وه‌ ده‌ستكه‌وتوون، “به‌هۆى پێكهێنانى ئه‌و لیژنه‌یه‌وه‌، له‌ ئه‌نجامى ئه‌وه‌ى ئه‌و فه‌رمانبه‌رانه‌ پێیانوایه‌ پێكهێنانى لیژنه‌كه‌ كارێكى نا ئاساییه و له‌سه‌ر بنه‌مایه‌كى دروست نیه‌، بۆیه‌ ده‌ستیان به‌ مانگرتن كردووه‌”.

عه‌باس ئیسماعیل، وته‌بێژى مه‌رزى په‌روێزخان له‌و باره‌یه‌وه‌ به‌ (SNN)ى راگه‌یاند: “له‌ لایه‌ن وه‌زاره‌تى دارایى حكومه‌تى هه‌رێمه‌وه‌ لیژنه‌یه‌كى لێكۆڵینه‌وه‌ دروستبووه‌ سه‌باره‌ت به‌ دۆسیه‌یه‌كى تایبه‌تى نێو مه‌رزه‌كه‌، له‌به‌ر ئه‌و‌ دۆسیه‌یه‌ فه‌رمانبه‌رانى مه‌رزه‌كه‌ مانیانگرت و مه‌رزه‌كه‌ ش بۆ ماوه‌یه‌ك داخرا”.

 

بەشی بکە لە
Previous Next
Close
Test Caption
Test Description goes like this