نرخى خزمەتگوزارى به‌شێك له‌ پرۆژەكانى نیشتەجێبوون له‌ هه‌ولێر كه‌مده‌كرێته‌وه‌

0
320
پرۆژه‌ى ئیمپایه‌ر له‌ هه‌ولێر| فۆتۆ: BSG

SNN – هه‌ولێر
به‌ڕێوه‌به‌رى گشتى وه‌به‌رهێنانى هه‌ولێر رایده‌گه‌یه‌نێت: به‌هۆى قه‌یرانى داراییه‌وه‌ و وه‌كو هاوكارییه‌ك بۆ هاووڵاتییان، بڕیارمانداوه‌ نرخى خزمه‌تگوزارییه‌كان ‌له‌ به‌شێك له‌ پرۆژه‌كانى نیشته‌جێبوون كه‌مبكه‌بنه‌وه‌.

سامان عاره‌ب، به‌ڕێوه‌به‌رى گشتى وه‌به‌رهێنانى هه‌ولێر له‌و باره‌یه‌وه‌ به‌ (SNN)ى راگه‌یاند: “به‌هۆى قه‌یرانى دارایى و دۆخى سه‌ختى هاووڵاتییانه‌وه‌، لیژنەى بەدواداچوون و دانانى نرخى خزمەتگوزارى پرۆژەكانى نیشتەجێبوون بڕیارماندا به‌ کەمکردنەوە و دیاریکردنى نرخى خزمەتگوزاری پرۆژەکان، بۆیه‌ له‌مڕۆوه‌ (1ى ته‌مموزى 2020) نرخى خزمه‌تگوزارییه‌كان له چه‌ند پرۆژه‌یه‌كى نیشته‌جێبوونى هه‌ولێر كه‌مده‌كه‌ینه‌وه‌”‌.

وتیشى: “له‌ماوه‌ى دوو هه‌فته‌ى داهاتوودا، بڕیارى كه‌مكردنه‌وه‌ى نرخى خزمه‌تگوزارى پرۆژه‌كانى دیكه‌ش ده‌درێت”.

له‌باره‌ى بڕو شێوازى نرخه‌كان و ئه‌و بنه‌مایه‌ى كه‌ بڕیاره‌كه‌ى له‌سه‌ر دراوه‌؟ سامان عاره‌ب وتى: “بڕیاره‌كه‌ له‌سه‌ر بنه‌ماى جۆریه‌تى و شێوازى خزمه‌تگوزارییه‌كان دراوه‌”.

بڕیاره‌كه‌ى وه‌به‌رهێنانى هه‌ولێر، ئه‌م پرۆژانه‌ى نیشته‌جێبوون‌ ده‌گرێته‌وه‌: شارى ئێم ئاڕ ئێف، شارى ئێم ئاڕ ئێفى دەرەوەى وەبەرهێنان، گوندى ڤیتال، رویا تاوەر، گوندى ئینگلیزى، ئيمپایه‌ر ووڵد، دریم ستى و پارک ڤیو.

 

بەشی بکە لە
تاگەکانهەولێر
Previous Next
Close
Test Caption
Test Description goes like this