ده‌سه‌ڵاتی فڕۆکه‌وانی شارستانی عێراقی راگرتنی گه‌شته‌ ئاسمانییه‌کانی درێژکردەوە

0
396
فڕۆكه‌یه‌كى هێڵى ئاسمانى عێراق

كه‌مێك له‌مه‌وبه‌ر ده‌سه‌ڵاتی فڕۆکه‌وانی شارستانی عێراقی ماوەی راگرتنی گه‌شته‌ ئاسمانییه‌کانی تاوه‌كو 15 تەمموز درێژکردەوە.

ئه‌مڕۆ چوارشه‌ممه‌ بەشی پەیوەندییە گشتییەکان و راگەیاندنی فڕۆکەخانەی نێودەوڵەتی سلێمانی‌ له‌ به‌یاننامه‌یه‌كدا رایگه‌یاند، “لە ئاگاداری نامەیەکدا ده‌سه‌ڵاتی فڕۆکه‌وانی شارستانی عێراقی بڕیاری ماوەی راگرتنی گەشتە ئاسمانی یەکانى لە سه‌رجه‌م فرۆکه‌خانه‌کانی عێراق تاوه‌كو 15ى ته‌مووز درێژکردەوە”.

له‌ به‌یاننامه‌كه‌دا ئه‌وه‌شهاتووه‌، “ئه‌وه‌ی جێگه‌ی ئاماژەپێدانە‌ بڕیاره‌که‌ گه‌شتی فڕۆکه‌کانی مانگى سوور و سەربازى و یارمەتی یە تەندروستییەكان و فریاگوزارییەکان و بارهه‌ڵگر(کارگۆ) ناگرێته‌وه”.

بەشی پەیوەندییە گشتییەکان و راگەیاندنی فڕۆکەخانەی نێودەوڵەتی سلێمانی ئه‌وه‌شى خستووه‌ته‌ڕوو، “ده‌رچوواندنی بڕیاره‌کەی ده‌سه‌ڵاتی فڕۆکه‌وانی شارستانی عێراقی له ‌چوارچێوه‌ی به‌رگيری کردنه‌ له‌ بڵاوبوونه‌وه‌ی ڤایرۆسی کۆرۆنا”.

له‌ سه‌ره‌تاى بڵاوبوونه‌وه‌ى ڤایرۆسى كۆرۆنا تا ئێستا 51 هه‌زار و 524 کەس تووشی کۆرۆنا بوون له‌ عێراق، 26 هه‌زار و 267 کەس چاکبوونەتەوە، 23 هه‌زار و 207 کەس چاره‌سه‌ر وه‌رده‌گرن و 328 هاووڵاتیش لەژێر چاودێریی چڕدان.

بەشی بکە لە
Previous Next
Close
Test Caption
Test Description goes like this